प्रेम केसीद्वारा प्रेस युनियनको बरिष्ठ उपाध्यक्षमा उम्मेदवारी घोषणा

राजनीति

गृहपृष्ठ
राजनीति
प्रेम केसीद्वारा प्रेस युनियनको बरिष्ठ उपाध्यक्षमा उम्मेदवारी घोषणा

प्रेम केसीद्वारा प्रेस युनियनको बरिष्ठ उपाध्यक्षमा उम्मेदवारी घोषणा

बुधबार, असार २९, २०७९ बागेश्वरी पोस्ट

नेपालगञ्ज । बाँकेका बरिष्ठ पत्रकार प्रेम केसीले नेपाल प्रेस युनियनको बरिष्ठ उपाध्यक्ष पदमा उम्मेदवारी घोषणा गरेका छन् ।

साउन ६ र ७ गते हेटौंडामा हुने नेपाल प्रेस युनियनको नवौं महाधिवेशनमा केसीले बरिष्ठ उपाध्यक्षमा चुनाव लड्ने घोषणा गरेका हुन् । लोकतन्त्रबादी पत्रकारहरुको संगठन नेपाल प्रेस युनियनको पोखरामा सम्पन्न आठौं महाधिवेशनबाट केसी उपमहासचिवमा निर्वाचित भएका थिए ।

केसीले सामाजिक सञ्जाल फेसबुकमार्फत् आफ्नो उम्मेदवारी घोषणा गरेका हुन् । उनले लेखेका छन्, ‘आदरणीय अग्रज तथा साथीहरुले शोकमा रहेको बेला पनि माया सद्भाव देखाएर यही श्रावण ६ र ७ गते हेटौंडामा हुने नेपाल प्रेस युनियनको नवौं महाधिवेशनमा केन्द्रीय बरिष्ठ उपाध्यक्षमा उम्मेदवारी घोषणा गर्न गरेको आग्रहलाई शिरोधार गदै आज गरूपूर्णिमाको दिन बरिष्ठ उपाध्यक्षमा उम्मेदवारी घोषणा गरेको छु । सबैको साथ सहयोगको आशा गरेको छु ।’

युनियनको सृदृढीकरण तथा ट्रेड युनियन अधिकार कार्यान्वयनको लागि आफूले उम्मेदवारी दिने केसीले बताए । बाँकेमा लामो समयदेखि पत्रकारितामा निरन्तर सक्रिय केसी हाल अन्नपूर्ण पोस्टमा आवद्ध छन् । श्रमजीवी पत्रकारहरुको हकहितका निम्ति उनी सधैं अग्रमोर्चामा देखिन्छन् ।

केसी नेपाल पत्रकार महासंघको पूर्व केन्द्रीय सदस्य एवम् बाँके जिल्ला अध्यक्ष पनि भइसकेका छन् ।

प्रकाशित मिति: बुधबार, असार २९, २०७९ १५:१३