देशभरि हालसम्म ६० प्रतिशत मात्र धान रोपाइँ

समाचार

गृहपृष्ठ
समाचार
देशभरि हालसम्म ६० प्रतिशत मात्र धान रोपाइँ

देशभरि हालसम्म ६० प्रतिशत मात्र धान रोपाइँ

लुम्बिनी प्रदेशमा ७५ प्रतिशत

बुधबार, साउन ४, २०७९ बागेश्वरी पोस्ट

नेपालगञ्ज । देशभरि हालसम्म ६० प्रतिशत मात्र धान रोपाइँ भएको छ । अघिल्लो वर्ष यो अवधिमा भएको धान रोपाइँको तुलनामा यो निकै न्यून हो । गत वर्ष साउन ४ गतेसम्म ९६ प्रतिशत रोपाइँ भइसकेको थियो ।

धान खेतीको ‘हब’ मानिएको मधेस प्रदेशमा सबैभन्दा कम रोपाइँ भएको छ । कृषि विभागका अनुसार मधेस प्रदेशमा ३९ प्रतिशत रोपाइँ भएको छ । प्रदेशको हिसाबले सबैभन्दा बढी रोपाइँ सुदूरपश्चिममा ९८.७ प्रतिशत रोपाइँ भएको छ ।

यस्तै, प्रदेश १ मा ४९, बागमती प्रदेशमा ६५, गण्डकी प्रदेशमा ७९, लुम्बिनी प्रदेशमा ७५ र कर्णाली प्रदेशमा ५६ प्रतिशत रोपाइँ भएको छ । जबकि अघिल्ला वर्ष यतिबेलासम्म कर्णाली, सुदूरपश्चिम प्रदेशमा धान रोपाइँ सम्पन्न भइसकेको हुन्थ्यो ।

प्रकाशित मिति: बुधबार, साउन ४, २०७९ १०:५०

प्रतिक्रिया दिनुहोस्