प्रेस युनियनको निर्वाचन आज, अध्यक्षमा शिव र अनिता भिड्दै

राजनीति

गृहपृष्ठ
राजनीति
प्रेस युनियनको निर्वाचन आज, अध्यक्षमा शिव र अनिता भिड्दै

प्रेस युनियनको निर्वाचन आज, अध्यक्षमा शिव र अनिता भिड्दै

एक उपाध्यक्ष र तीन सचिव निर्विरोध

शनिबार, साउन ७, २०७९ बागेश्वरी पोस्ट

हेटौंडा । नेपाल प्रेस युनियनमा एक उपाध्यक्ष र तीन जना सचिवसहित २० बढी केन्द्रीय सदस्य निर्विरोध निर्वाचित भएका छन् । समावेशी उपाध्यक्षमा दीपेन्द्र वान्तवा निर्विरोध निर्वाचित भएका छन् ।

थारु सचिवमा सहदेव चौधरी, अनलाइन सचिवमा छाँया भण्डारी र टेलिभिजन सचिवमा अशोककुमार तिवारी निर्विरोध निर्वाचित भएका हुन् ।

यस्तै महिला सदस्यमा पूजा शर्मा र सिर्जनाकुमारी गौतम निर्विरोध निर्वाचित भएका छन् । खस आर्य महिला केन्द्रीय सदस्यमा बालिका सिवाकोटी र जेविका कार्की, थारुतर्फ लक्ष्मीमान थारु, थारु महिला सदस्यमा अञ्जना थारु, मधेशी महिलामा सुधा देव पनि निर्विरोध भए ।

आदिवासी जनजातितर्फ छविलाल माल, निमा लामा र सुवासकुमार सुनुवार, आदिवासी महिलातर्फ रिता मगर, दलित महिलातर्फ फूलमाया सुनार, लैंगिक अल्पसंख्यकमा नारद कोहार, अपाङ्गता कोटामा कौरव खत्री चयन भएका छन् ।

बागमती प्रदेशबाट महिलातर्फ आत्मा गुरागाईं र रमा लुइँटेल, गण्डकीबाट कृष्णकुमारी ढकाल र मायाकुमारी अधिकारी, सुदूरपश्चिमबाट जमुना न्यूरे र निर्मला भट्ट, काठमाडौं उपत्यकाबाट तेजना पण्डित पनि निर्विरोध चयन भएका छन् ।

अध्यक्षसहित अन्य पदका लागि भने आज मतदान हुँदैछ । अध्यक्षका लागि अनिता विन्दु, शिव लम्साल र भुवन भट्टबीच प्रतिस्पर्धा हुँदैछ ।

वरिष्ठ उपाध्यक्षमा प्रेम केसी र सरोज अधिकारी रहेका छन् भने महासचिवमा जगन्नाथ दुलाल र दिलीप पौडेलले उम्मेदवारी दिएका छन् ।

प्रकाशित मिति: शनिबार, साउन ७, २०७९ १०:४८

प्रतिक्रिया दिनुहोस्