प्रेस युनियनमा संस्थापन इतरको अग्रता

राजनीति

गृहपृष्ठ
राजनीति
प्रेस युनियनमा संस्थापन इतरको अग्रता

प्रेस युनियनमा संस्थापन इतरको अग्रता

आइतबार, साउन ८, २०७९ बागेश्वरी पोस्ट

हेटौंडा । नेपाल प्रेस युनियनको हेटौंडामा जारी महाधिवेशनको निर्वाचनमा संस्थापन इतर पक्ष अगाडि रहेको छ । खसेको १३ सय ८४ मतमध्ये ६ सय मत गणना हुँदा इतर पक्षका अध्यक्षका उम्मेदवार शिव लम्सालले ४५ मतले अग्रता लिएका छन् ।

शिवले ३१६ मत ल्याउँदा संस्थापन पक्षकी उम्मेदवार अनिता बिन्दूले २७१ मत ल्याएकी छिन् । मध्यरातदेखि शुरु भएको मतगणना बिहान भएपछि निर्वाचन अधिकृतहरु विश्राममा गएपछि मतगणना रोकिएको थियो । त्यसपछि दोस्रो चरणमा मतगणना भइरहेको छ ।

त्यस्तै वरिष्ठ उपाध्यक्षमा प्रेम केसीले २९५ मत ल्याउँदा सरोज अधिकारीले २८७ मत पाएका छन् । उपाध्यक्षमा नकुल अर्याल ३३२, भिष्मराज ओझा २८०, राममणी दाहाल २५० र शेखर रेग्मीले १८१ मत पाएका छन् । यस्तै महासचिवमा दिलिप पौडेलले ४०१ मत पाउँदा जगन्नाथ दुलालले १८३ मत ल्याएका छन् ।

प्रकाशित मिति: आइतबार, साउन ८, २०७९ १२:१०