नेपाल प्रेस युनियनमा को-को बिजयी भए (सुचीसहित)

राजनीति

गृहपृष्ठ
राजनीति
नेपाल प्रेस युनियनमा को-को बिजयी भए (सुचीसहित)

नेपाल प्रेस युनियनमा को-को बिजयी भए (सुचीसहित)

सोमबार, साउन ९, २०७९ बागेश्वरी पोस्ट

नेपालगन्ज । नेपाल प्रेस युनियनको ९औं महाधिवेशन अन्तर्गत केन्द्रीय कार्यसमितिको यहीँ साउन ६ र ७ गते हेटौंडामा निर्वाचन सम्पन्न भएको छ । निर्वाचनको अन्तिम मतपरिणाम समेत आइसकेको छ । मतदान पश्चात् सोही ७ गते मध्यरातिदेखि थालिएको मतगणनाको अन्तिम परिणाम ९ गते बिहान मात्र आइपुगेको हो ।

जसमा अध्यक्ष, वरिष्ठ उपाध्यक्ष तथा महासचिवसहित अधिकांश पदमा संस्थापन इतर पक्ष विजयी भएको छ । संस्थापन इतर पक्षका अध्यक्षका उम्मेदवार शिव लम्साल, वरिष्ठ उपाध्यक्षका उम्मेदवार प्रेम केसी र महासचिवका उम्मेदवार दिलिप पौडेलसहित अधिकांश पदमा संस्थापन इतर विजयी भएको हो ।

अध्यक्षमा शिवले संस्थापन पक्षकी उम्मेदवार अनिता बिन्दूलाई पराजित गरेका हुन् । तीन जनाबीच भएको भिडन्तमा शिवले ७४५ मत पाउँदा अनिताले ६१२ तथा भुवन भट्टले मात्र १९ मत पाएका छन् । त्यस्तै वरिष्ठ उपाध्यक्षमा प्रेमले सरोज अधिकारीलाई २० मतले पराजित गरे । प्रेमले ६८५ मत ल्याउँदा सरोजले ६६५ मत ल्याए ।

उपाध्यक्ष खुल्ला दुई जनाका लागि भएको प्रतिस्पर्धामा नकुल अर्याल र भीष्मराज ओझा विजयी भएका छन् । नकुल संस्थापन इतर र भीष्मराज संस्थापनका हुन् । नकुलले ७७५, भीष्मराजले ६४० मत ल्याए । पराजित भएका राममणि दाहालले ५९५ तथा शेखर रेग्मीले ३९५ मत ल्याए ।

उपाध्यक्ष महिलामा संस्थापन इतरकी सलोजा दाहालले संस्थापनकी कल्पना शर्मालाई पराजित गरेकी छिन् । सलोजाले ७२० मत ल्याउँदा कल्पनाले ६१९ मत ल्याइन् ।

उपाध्यक्ष समावेशीमा दिपेन्द्र वान्तवा निर्विरोध निर्वाचित भएका छन् । उपाध्यक्ष प्रदेश १ बाट डिल्लीराम खतिवडा विजयी हुँदा लवदेव ढुङ्गाना र हेमराज दाहाल पराजित भएका छन् ।

No description available. मधेस प्रदेशबाट अनिल कर्ण, बागमतीबाट डा. मुरारी अधिकारी, गण्डकीबाट ऋषिकान्त पौडेल, लुम्बिनीबाट माधवप्रसाद अर्याल, कर्णालीबाट राजेन्द्रबहादुर कार्की, सुदूरपश्चिमबाट प्रेम चुनारा र उपत्यकाबाट जीवन भण्डारी विजयी भएका छन् । जीवनले ८४२ मत ल्याउँदा निरज खतिवडाले मात्र ४६२ मत ल्याए ।

महासचिवमा दिलिपले जगन्नाथ दुलाललाई पराजित गरेका छन् । दिलिपले ८७८ मत ल्याए । यो महाधिवेशनकै पदाधिकारीमा सर्वाधिक मत हो । जगन्नाथले मात्र ४५१ मत ल्याएका छन् ।

उपमहासचिवमा युवराज गौतम, रविन्द्र सुवेदी र कमल पन्त निर्वाचित भएका छन् । उपमहासचिव महिलामा सुलोचना गौतम र दिलिपाश्री अधिकारी निर्वाचित भएका छन् । उपमहासचिव समावेशीमा अभयकुमार राई निर्वाचित भएका छन् ।

केन्द्रीय सदस्य खुल्ला महिलाबाट निर्वाचित सरिता खनालले यो महाधिवेशनकै सर्वाधिक मत १०२१ मत पाएकी छिन् । १३ सय ९२ मत खसेकामा ६ मत बदर भएको थियो ।

निर्वाचनमा को-को बिजयी बने-
No description available.