नेपाल प्रेस युनियनमा बाँकेबाट तीन जनाको प्रतिनिधित्व

राजनीति

गृहपृष्ठ
राजनीति
नेपाल प्रेस युनियनमा बाँकेबाट तीन जनाको प्रतिनिधित्व

नेपाल प्रेस युनियनमा बाँकेबाट तीन जनाको प्रतिनिधित्व

सोमबार, साउन ९, २०७९ बागेश्वरी पोस्ट

नेपालगञ्ज । नेपाल प्रेस युनियनको नयाँ कार्यसमितिमा बाँकेका तीन जना निर्वाचित भएका छन् । हेटौंडामा आइतबार सम्पन्न नवौं महाधिवेशनबाट बरिष्ठ उपाध्यक्षमा प्रेम केसी निर्वाचित भएका छन् ।

यस्तै केन्द्रीय सदस्यमा कमला हमाल र शोभा केसी निर्वाचित भएका छन् । केसीद्वय अध्यक्षमा निर्वाचित शिव लम्साल प्यानल र हमाल अध्यक्षमा पराजित अनिता विन्दुको प्यानलबाट निर्वाचन लडेका थिए । बरिष्ठ उपाध्यक्ष केसीले सरोज अधिकारीलाई पराजित गरेका हुन् । शोभा र कमला महिलातर्फ केन्द्रीय सदस्य निर्वाचित भएका हुन् । ६ जना निर्वाचित हुने महिलातर्फको केन्द्रीय सदस्यमा उनीहरु निर्वाचित हुन सफल भएका हुन् ।

प्रेम केसी यसअघि उपमहासचिव थिए भने शोभा र कमला पहिलोपटक केन्द्रीय कार्यसमितिमा पुगेका छन् । उपमहासचिवमा उम्मेदवारी दिएका बाँकेका सन्तोष रेग्मी, केन्द्रीय सदस्यका उम्मेदवार कुन्तलराज शर्मा र लेखा समिति सदस्यका उम्मेदवार टेकेन्द्र बस्याल भने पराजित भएका छन् ।

प्रकाशित मिति: सोमबार, साउन ९, २०७९ १५:००

प्रतिक्रिया दिनुहोस्