टिकट सुरक्षित गर्न षड्यन्त्रमूलक गुटबन्दी भइरहेको छ: बाल्मिकी

राजनीति

गृहपृष्ठ
राजनीति
टिकट सुरक्षित गर्न षड्यन्त्रमूलक गुटबन्दी भइरहेको छ: बाल्मिकी

टिकट सुरक्षित गर्न षड्यन्त्रमूलक गुटबन्दी भइरहेको छ: बाल्मिकी

शनिबार, साउन १४, २०७९ बागेश्वरी पोस्ट

नेपालगञ्ज । नेपाली कांग्रेसका केन्द्रीय सदस्य मैकुलाल बाल्मिकीले प्रदेश र संघको निर्वाचनमा टिकट सुरक्षित गर्न बाँकेमा षड्यन्त्रमूलक गुटबन्दी भइरहेको बताएका छन् ।

नेपाली काँग्रेस बाँकेले काँग्रेसबाट उम्मेदवार भई निर्वाचित जनप्रतिनिधिसंग नेपालगञ्जमा आज आयोजना गरेको परामर्श तथा समन्वयात्मक कार्यक्रमलाई सम्बोधन गर्दै केन्द्रीय सदस्य बाल्मिकीले पार्टीलाई केन्द्रमा राखेर नेता कार्यकर्ताहरुलाई अघि बढ्न निर्देशन दिए ।

नेपाली कांग्रेस बाँके विधि विधान अनुसार चलिरहेकाले आफूले साथ दिँदै आएको बताउँदै उनले पूर्वाग्रह राखेर पार्टीको कार्यक्रलाई असफल बनाउनतर्फ कोही पनि लाग्न नहुने बताए । प्रदेश र संघको निर्वाचन आइरहेकाले पार्टीलाई मजबुत बनाउन सबै एकै ठाउँमा हुनुपर्नेमा उनले जोड दिए । जनप्रतिनिधिहरुलाई जनताको मत जित्ने गरी काम गर्न आग्रह गर्दै उनले पार्टीसंग समन्वय गरेर अघि बढ्न भने ।

कार्यक्रममा नगर प्रमुख, उपप्रमुख, पालिका अध्यक्ष, उपाध्यक्ष, वडा अध्यक्ष लगायत जनप्रतिनिधिहरुकाे उल्लेख्य सहभागिता थियाे । पार्टी संगठनलाई संस्थागत, नियमित संचालन गर्न उपस्थित वडा सभापतिहरुलाई पार्टीको बिधान नियमावली, लेटरप्याड र स्थानीय तहकाे घाेषणापत्र समेत हस्तान्तरण गरिएकाे थियाे । कार्यक्रम पार्टी सभापति नारायणप्रसाद गौडेलको सभापतित्वमा सम्पन्न भएको थियो ।

प्रकाशित मिति: शनिबार, साउन १४, २०७९ १९:४८

प्रतिक्रिया दिनुहोस्