बाढी अनियन्त्रित हुन लाग्दा ब्यारेजका ४६ ढोका खोलियो

समाचार

गृहपृष्ठ
समाचार
बाढी अनियन्त्रित हुन लाग्दा ब्यारेजका ४६ ढोका खोलियो

बाढी अनियन्त्रित हुन लाग्दा ब्यारेजका ४६ ढोका खोलियो

बिहीबार, साउन १९, २०७९ बागेश्वरी पोस्ट

नेपालगन्ज । अविरल परेको बर्षाका कारण नदीमा पानीको बहाव बढी भएपछी ब्यारेजका ४६ वटै ढोका खोलिएको छ।

पूर्वी पहाडमा अविरल परेको वर्षाका कारण उदयपुर, सप्तरी, सुनसरीलगायतका तटीय क्षेत्रमा कोशी नदी अनियन्त्रत भए पछि सप्तकोशी ब्यारेजका ४६ वटा ढोका खोलिएका हुन् । सप्तकोशी ब्यारेज हुँदै २ लाख ४३ हजार १ सय ८० क्युसेक प्रति सेकेन्डका दरले पानीको बहाबमा नियन्त्रण नआए पछि कोसी ब्यारेजका ५६ मध्ये ४६ वटा ढोका खोलिएको हो ।

सप्तरीका प्रहरी उपरीक्षक अभिनारायण काफ्लेका अनुसार कोशी नदीले उदयपुरको बेलाका नगरपालिकास्थित डुम्रीबोटेको पश्चिम बस्तीतर्फ सोझिए पनि ब्यारेजबाट पानीको बहाब भने अझै कम भएको छैन ।

उनका अनुसार अविरल तथा तीव्र बहाबका कारण कोसीले उदयपुरमा २ हजार ५ सय भन्दा बढीलाई विस्थापित गरेको छ भने सप्तरीको हनुमाननगर कंकालिनी नगरपालिका १३ गोबरगाढाको सामुदायिक भवन र विद्यालय भवन कटान गरी बगाएको छ । थप क्षतिको विवरण संकलन भइरहेको छ ।

प्रकाशित मिति: बिहीबार, साउन १९, २०७९ १२:४०

प्रतिक्रिया दिनुहोस्