मंसिर ४ गते हुने निर्वाचनका लागि आजदेखि दल दर्ता सुरु

राजनीति

गृहपृष्ठ
राजनीति
मंसिर ४ गते हुने निर्वाचनका लागि आजदेखि दल दर्ता सुरु

मंसिर ४ गते हुने निर्वाचनका लागि आजदेखि दल दर्ता सुरु

आइतबार, साउन २२, २०७९ बागेश्वरी पोस्ट

नेपालगञ्ज । प्रदेश र प्रतिनिधिसभा सदस्यका लागि आगामी मंसिर ४ गते हुने निर्वाचनका लागि आजदेखि दल दर्ता सुरु भएको छ । निर्वाचन आयोगका प्रवक्ता शालिग्राम शर्मा पौडेलले आजदेखि साउन ३१ गतेसम्म दल दर्ताको समय तोकिएको बताए ।

आयोगमा २०७९ साउन १९ सम्म दर्ता कायम भएका राजनीतिक दलहरु प्रत्यक्ष र समानुपातिक तर्फको निर्वाचन प्रयोजनका लागि दर्ता हुन पाउनेछन् । दल दर्ता गर्न काठमाडौंको कान्तिपथस्थित निर्वाचन आयोगको कार्यालयमा कार्यालय समयभित्र जानुपर्नेछ ।

दल दर्ताको निवेदन दिंदा राजनीतिक दलको पूरा र संक्षिप्त नाम, स्थापना भएको मिति, आयोगमा दर्ता भएको मिति, केन्द्रीय कार्यालय रहेको ठेगाना, पत्राचार गर्ने ठेगाना, टेलिफोन नम्बर, इमेल, वेबसाइट र सामाजिक सन्जालको खाता समेत खुलाउनु पर्नेछ ।

प्रकाशित मिति: आइतबार, साउन २२, २०७९ १०:३१

प्रतिक्रिया दिनुहोस्