भोलि देशभरका नायब सुब्बा बिदामा बस्दै

राजनीति

गृहपृष्ठ
राजनीति
भोलि देशभरका नायब सुब्बा बिदामा बस्दै

भोलि देशभरका नायब सुब्बा बिदामा बस्दै

सोमबार, साउन २३, २०७९ बागेश्वरी पोस्ट

नेपालगन्ज । निजामती कर्मचारीहरूका नायब सुब्बा (नासु) बचाउ अभियानमा कर्मचारीहरुले आन्दोलनलाई तीव्रता दिँदै ब्यापकरुपमा आन्दोलनमा उत्रिएका छन् । असमान तरिकाले तलव वृद्धि गरेको भन्दै कर्मचारी आन्दोलनमा उत्रिएका हुन् ।

आन्दोलनका कार्यक्रम अन्तर्गत भोलि देशैभरका नायब सुब्बा (नासु) बिदामा बस्ने नेपाल निजामती कर्मचारी युनियनका सचिव प्रकाश भट्टराईले जानकारी दिएका छन् । असमानरुपले तलब वृद्धि गरेका विरूद्ध र प्रस्तावित संघीय निजामती सेवा ऐनमा समावेश गर्नुपर्ने मागका सन्दर्भमा कर्मचारीले आन्दोलन गरिरहेको सचिव भट्टराईले बताए । आज कर्मचारीहरूले सिंहदरबारमै पेनडाउन गरेका छन् ।

भोलि नायब सुब्बा (नासु) बचाउ अभियानले उठाएका मागबारे अर्थमन्त्री, संघीय मामिला तथा सामान्य प्रशासन मन्त्री, मुख्यसचिव, अर्थ सचिव र सामान्य प्रशासन सचिवलाई एसएमएस गर्ने कार्यक्रम रहेको सचिव भट्टराईले जानकारी दिएका छन् । यसका साथै थप आन्दोलनका कार्यक्रम बारे भोलि सार्वजनिक गरिने भट्टराईले बताए ।

प्रकाशित मिति: सोमबार, साउन २३, २०७९ १४:५३

प्रतिक्रिया दिनुहोस्