कांग्रेसले २२ दिने चुनावी अभियानमा ७७ जिल्लामा केन्द्रीय सदस्य खटाउने

राजनीति

गृहपृष्ठ
राजनीति
कांग्रेसले २२ दिने चुनावी अभियानमा ७७ जिल्लामा केन्द्रीय सदस्य खटाउने

कांग्रेसले २२ दिने चुनावी अभियानमा ७७ जिल्लामा केन्द्रीय सदस्य खटाउने

सोमबार, साउन २३, २०७९ बागेश्वरी पोस्ट

नेपालगन्ज । नेपाली कांग्रेसको शीर्ष नेताहरूको आज बसेको बैठकले आगामी प्रदेश र प्रतिनिधिसभा निर्वाचनका लागि २२ दिने चुनावी अभियान थाल्ने निर्णय गरेको छ ।

महामन्त्री गगन थापाका अनुसार कांग्रेसले २ गतेदेखि २४ भदौसम्म केन्द्रीय सदस्यलाई ७७ वटै जिल्लामा खटाउने निर्णय गरेको छ । स्थानीय तहको निर्वाचनपछि ७७ वटै जिल्लामा कांग्रेसको पोजिसन र संगठनबारे केन्द्रीय सदस्यहरूले पार्टी नेतृत्वलाई रिपोर्ट पेश गर्नेछन्।

कांग्रेसले ३० र ३१ साउनमा प्रशिक्षण कार्यक्रम राखेको छ । जसका लागि पार्टीबाट निर्वाचित स्थानीय तहका प्रमुख उपप्रमुखलाई काठमाडौं बोलाइने भएको छ ।

पदाधिकारी, पूर्व पदाधिकारी, वरिष्ठ नेताहरू सम्मिलित आजको बैठकमा सिट बाँडफाँडबारे पनि छलफल भएको थियो ।

नेताहरूले चुनावी तालमेल गरेपनि कम्तीमा सुविधाजनक बहुमत आउने गरी सिट बाँडफाँड गर्नुपर्ने धारणा राखेका थिए ।

प्रकाशित मिति: सोमबार, साउन २३, २०७९ १७:५१

प्रतिक्रिया दिनुहोस्