डाक्टर पढिरहेका विद्यार्थी झुण्डिएको अवस्थामा मृत भेटिए

समाचार

गृहपृष्ठ
समाचार
डाक्टर पढिरहेका विद्यार्थी झुण्डिएको अवस्थामा मृत भेटिए

डाक्टर पढिरहेका विद्यार्थी झुण्डिएको अवस्थामा मृत भेटिए

बिहीबार, भदौ २, २०७९ बागेश्वरी पोस्ट

नेपालगञ्ज । बाँकेमा डाक्टर पढिरहेका एक विद्यार्थी झुण्डिएको अवस्थामा मृत भेटिएका छन् । नेपालगञ्ज मेडिकल कलेज कोहलपुरमा एमबिबिएस दोस्रो वर्षमा अध्ययनरत बिद्यार्थी मृत अवस्थामा फेला परेका हुन् ।

नेपालगञ्ज उपमहानगरपालिका वडा नम्बर ८ रानीतलाउ निवासी २५ वर्षीय सिद्धार्थ बैश्य मेडिकल कलेजको चिसापानीस्थित छात्राबासमा मृत अवस्थामा फेला परेको इलाका प्रहरी कार्यालय कोहलपुरका प्रमुख प्रहरी नायब उपरीक्षक ऐनबहादुर मल्लले जानकारी दिए ।

बैश्यको शव पंखामा झुण्डिएको अवस्थामा फेला परेको मल्लले बताए । 'सुइसाइड नोट' भेटिएकाले उनले आत्महत्या गरेको प्रहरीले प्रारम्भिक निष्कर्ष निकालेको छ । घटनाबारे अनुसन्धान भइरहेको प्रहरीले जनाएको छ ।

प्रकाशित मिति: बिहीबार, भदौ २, २०७९ १२:५७

प्रतिक्रिया दिनुहोस्