बाँकेमा तीन सवारी साधन एकसाथ ठोक्किए, १ को मृत्यु, ९ घाइते

समाचार

गृहपृष्ठ
समाचार
बाँकेमा तीन सवारी साधन एकसाथ ठोक्किए, १ को मृत्यु, ९ घाइते

बाँकेमा तीन सवारी साधन एकसाथ ठोक्किए, १ को मृत्यु, ९ घाइते

शुक्रबार, भदौ ३, २०७९ बागेश्वरी पोस्ट

नेपालगञ्ज । सवारी दुर्घटनामा परी बाँकेमा एक जनाको मृत्यु भएको छ । बैजनाथ गाउँपालिका वडा नम्बर ५ वनकटुवाको संगम चोक नजिकै तीन वटा सवारी साधन एकसाथ ठोक्किएर दुर्घटना हुँदा एक जनाको मृत्यु भएको छ भने ९ जना घाइते भएका छन् ।

दुर्घटनामा परेर म्याजिक भ्यानका चालक बाँसगढी नगरपालिका वडा नम्बर ४ का रामबहादुर कुँवरको मृत्यु भएको इलाका प्रहरी कार्यालय कोहलपुरले जनाएको छ । घाइतेहरुको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको छ ।

पूर्व पश्चिम राजमार्गमा पर्ने संगम चोक नजिकै मिनी ट्रक, म्याजिक भ्यान र मोटरसाइकल एकआपसमा ठोक्किएका थिए । प्रहरीका अनुसार पश्चिमतर्फ गइरहेको भे १ क २१९६ नम्बरको मिनी ट्रक, कोहलपुरतर्फ आउँदै गरेको भे १ ज ४४९ नम्बरको म्याजिक भ्यान र भे ११ प २८०० नम्बरको मोटरसाइकल ठोक्किएका हुन् ।

प्रकाशित मिति: शुक्रबार, भदौ ३, २०७९ १४:४०

प्रतिक्रिया दिनुहोस्