गिरीको निधनले नेपाली कांग्रेस बाँके स्तब्ध र मर्माहत भएको छः सभापति गौडेल

राजनीति

गृहपृष्ठ
राजनीति
गिरीको निधनले नेपाली कांग्रेस बाँके स्तब्ध र मर्माहत भएको छः सभापति गौडेल

गिरीको निधनले नेपाली कांग्रेस बाँके स्तब्ध र मर्माहत भएको छः सभापति गौडेल

आइतबार, भदौ ५, २०७९ बागेश्वरी पोस्ट

नेपालगञ्ज । नेपाली कांग्रेसका नेता, बैचारिक र समाजवादी चिन्तक प्रदिप गिरीको निधनप्रति नेपाली कांग्रेस बाँकेले दुःख व्यक्त गरेको छ । पार्टी सभापति नारायणप्रसाद गौडेलले आज एक शोक वक्तब्य जारी गर्दै पूर्व केन्द्रीय सदस्य एवम् प्रतिनिधिसभा सदस्य गिरीको असामयिक निधनले नेपाली कांग्रेस बाँके स्तब्ध र मर्माहत भएको जनाएका छन् ।

गिरीको निधनले पार्टी र समग्र मुलुकलाई अपूरणीय क्षती पुगेको शोक बक्तब्यमा उल्लेख छ । सभापति गौडेलले स्वर्गीय गिरीले नेपाली कांग्रेसको संगठन विस्तार र लोकतान्त्रिक आन्दोलनमा पुर्याएको योगदान सदा स्मरणीय रहने भन्दै गिरीप्रति भावपूर्ण श्रद्धाञ्जली अर्पण गरेका छन् ।

मृत आत्माको चीर शान्तिको कामना गर्दै शोक सन्तप्त परिवारजनप्रति समवेदना प्रकट गरिएको छ । गिरीको गएराती साढे ९ बजे मेडिसिटी अस्पतालमा उपचारका क्रममा मृत्यु भएको थियो । उनी घाँटीको क्यान्सर र निमोनियाबाट पीडित थिए ।

No description available.