नेकपा एसद्वारा बाँके क्षेत्र नम्बर ३ बाट दलबहादुर सुनारको नाम सिफारिस

राजनीति

गृहपृष्ठ
राजनीति
नेकपा एसद्वारा बाँके क्षेत्र नम्बर ३ बाट दलबहादुर सुनारको नाम सिफारिस

नेकपा एसद्वारा बाँके क्षेत्र नम्बर ३ बाट दलबहादुर सुनारको नाम सिफारिस

सोमबार, भदौ ६, २०७९ बागेश्वरी पोस्ट

नेपालगञ्ज । नेकपा एकीकृत समावादी पार्टी (एस) ले बाँकेको प्रतिनिधि सभा क्षेत्र नम्बर ३ र प्रदेशसभा क्षेत्रबाट उम्मेदवार सिफारिस गरेको छ ।

नेकपा एस बाँकेले प्रतिनिधिसभातर्फ प्रत्यक्षमा पूर्व राज्यमन्त्री समेत रहेका नेता दलबहादुर सुनार र समानुपातिकमा होमनाथ सापकोटाको नाम सिफारिस गरेको हो । मंसिर ४ गते हुने चुनावका लागि सर्वसम्मतरुपमा उम्मेदवार सिफारिस गरिएको हो ।

नेकपा एस बाँकेको आज बसेको भेलाले क्षेत्र नम्बर ३ प्रदेश सभा सदस्य (क) को लागि प्रत्यक्षतर्फ दिपक जिएम, भगवती शाह र लक्ष्मी सिंह ठकुरी तथा समानुपातिकतर्फ मन कुमारी चन्द, सन्तबिर सुनार, खड्क बहादुर रजाली र मकवुल खाँको नाम सिफारिस गरेको नेकपा एस क्षेत्र नम्बर ३ प्रदेश (ख) का संयोजक ऋषि पोखरेलले जानकारी दिए ।

पोखरेलका अनुसार नेकपा एसले बाँके क्षेत्र नम्बर ३ प्रदेश सभा सदस्य (ख) मा प्रत्यक्षतर्फ इन्द्र बहादुर थापा, लाल बहादुर खत्री, भद्र प्रसाद देवकोटा र रुपा रावल तथा समानुपातिकतर्फ मकवुल अहमद कुरेसी, सरुप कादु, गौरीलाल कामी, रज्जव अली हलवाई र राम कुमार कादुको नाम सिफारिस गरिएको छ ।

प्रकाशित मिति: सोमबार, भदौ ६, २०७९ १५:३८

प्रतिक्रिया दिनुहोस्