बाँकेको नेपालगञ्ज-कोहलपुर सडकखण्डमा शंकास्पद बस्तु फेला

समाचार

गृहपृष्ठ
समाचार
बाँकेको नेपालगञ्ज-कोहलपुर सडकखण्डमा शंकास्पद बस्तु फेला

बाँकेको नेपालगञ्ज-कोहलपुर सडकखण्डमा शंकास्पद बस्तु फेला

मंगलबार, भदौ ७, २०७९ बागेश्वरी पोस्ट

नेपालगञ्ज । बाँकेको नेपालगञ्ज-कोहलपुर सडकखण्डमा शंकास्पद बस्तु फेला परेको छ । कोहलपुर नगरपालिका वडा नम्बर ८ पिपिरी चोक नजिकै बम जस्तो देखिने शंकास्पद रातो वस्तु फेला परेको इलाका प्रहरी कार्यालय कोहलपुरले जनाएको छ ।

प्लाष्टिकले बेरेको करिब एक हात बराबरको रातो स्टिल बम जस्तो देखिने शंकास्पद वस्तु भेटिएको हो । उक्त शंकास्पद वस्तु निस्क्रिय पार्न नेपाली सेनाको टोली बोलाइएको इलाका प्रहरी कार्यालय कोहलपुरले जनाएको छ । बन्दकर्ताले उक्त शंकास्पद बस्तु राखेको अनुमान गरिएको छ ।

नेत्रविक्रम चन्द विप्लव नेतृत्वको नेपाल कम्युनिस्ट पार्टी, ऋषि कट्टेल नेतृत्वको नेपाल कम्युनिस्ट पार्टी, आहुती नेतृत्वको वैज्ञानिक समाजवादी कम्युनिस्ट पार्टी र नेकपा माओवादी समाजवादीका महासचिव कर्णजितले संयुक्त विज्ञप्ति निकालेर आज नेपाल बन्दको आह्वान गरेका छन् । तीन बुँदे राजनीतिक सहमति विपरीत पार्टीका नेतालाई पक्राउ पुर्जी जारी गरिएको तथा एमसीसी, भ्रष्टाचार र महँगीका विरुद्ध देशैभर बन्दको आह्वान गरिएको विज्ञप्तिमा उल्लेख छ ।

प्रकाशित मिति: मंगलबार, भदौ ७, २०७९ १३:०१

प्रतिक्रिया दिनुहोस्