मंसिर ४ को निर्वाचन कांग्रेसको अर्जुनदृष्टि: सभापति गौडेल

राजनीति

गृहपृष्ठ
राजनीति
मंसिर ४ को निर्वाचन कांग्रेसको अर्जुनदृष्टि: सभापति गौडेल

मंसिर ४ को निर्वाचन कांग्रेसको अर्जुनदृष्टि: सभापति गौडेल

'एक्लै चुनाव लड्न सक्षम छौं, केन्द्रलाई पनि यो सन्देश दिएका छौं'

शुक्रबार, भदौ १०, २०७९ बागेश्वरी पोस्ट

नेपालगन्ज । नेपाली कांग्रेस बाँकेका सभापति नारायणप्रसाद गौडेलले मंसिर ४ को निर्वाचनलाई अर्जुनदृष्टि बनाएर पार्टी अगाडि बढिरहेको बताएका छन् ।

नेपाली कांग्रेस बाँकेले आज पार्टी कार्यालय नेपालगन्जमा आयोजना गरेको पत्रकार भेटघाटमा सभापति गौडेलेले नेपाली कांग्रेस बाँके एक्लै चुनाव लड्न सक्षम रहेको बताए । उनले भने-'हामी एक्लै चुनाव लड्न सक्षम छौं, संघका ३ र प्रदेशका ६ निर्वाचन क्षेत्रमा कांग्रेस एक्लै जीत हासिल गर्न सक्ने अवस्थामा छ तर केन्द्रले सत्तारुढ दलहरूबीच चुनावी तालमेल गर्ने निर्णय कार्यान्वयनका लागि निर्देश गरे हामी त्यसमा पनि प्रतिबद्ध हुनेछौं ।" उनले बाँकेमा एक्लै चुनाव लड्ने सन्देश केन्द्रीय नेतृत्वलाई दिइसकेको समेत बताए ।

सभापति गौडेलले स्थानीय चुनावमा हासिल गरेको उपलब्धि अभूतपूर्व रहेको बताउँदै आउने चुनावमा पनि यस्तै सुखद नतिजा हात पार्ने अभियानमा अर्जुनदृष्टिका साथ लागेको बताए । गौडेलले पार्टीले आजदेखि सुरु गरेको निर्वाचन लक्षित 'जनताको साथमा कांग्रेस' अभियानलाई सार्थक बनाउन कांग्रेस बाँके दृढ भएर लाग्ने बताए । उनले बाँकेका पत्रकारहरुले तटस्थ र निष्पक्ष समाचार सम्प्रेषण गरेर स्वस्थ पत्रकारिताको अभ्यास गरिरहेको भन्दै मुक्तकण्ठले प्रशंसा गरे । त्यस अवसरमा कान्तिपुर टेलिभिजनको वरिष्ठ उपसम्पादकमा बढुवा भएका वरिष्ठ पत्रकार जे. पाण्डेलाई सभापति गौडेलले खादा ओढाएर सम्मान गरेका थिए । उपस्थित सबै पत्रकारहरुलाई सभापति गौडेलले डायरी र कलम प्रदान गरेका थिए ।

पत्रकार भेटघाट कार्यक्रममा प्रदेश कमिटी सदस्य प्रमेश्वरी पाठक, तरुण दलका पूर्व महासचिव एवम् कांग्रेस नेता हुर्मत न्यौपाने, कांग्रेस बाँकेका उपसभापतिद्वय गोपालप्रसाद अधिकारी र कृष्णबहादुर कार्की, सचिव सुधांशु कोइराला, कोषाध्यक्ष यज्ञबहादुर बस्नेत, सहसचिवद्वय रेनु सिंह ठाकुर र विनोदकुमार थारु, प्रवक्ता डिल्ली गिरी, नेपाल प्रेस युनियनका वरिष्ठ उपाध्यक्ष प्रेम केसी लगायत उपस्थित थिए ।

May be an image of 6 people, people sitting and people standing May be an image of 10 people and people sitting May be an image of 11 people, people sitting and people standing May be an image of 8 people, people sitting and people standing