नेपालगन्जमा कांग्रेस र राप्रपाद्वारा साझाँँ प्यानलका उम्मेदवारसंग परिचयात्मक कार्यक्रम

समाचार

गृहपृष्ठ
समाचार
नेपालगन्जमा कांग्रेस र राप्रपाद्वारा साझाँँ प्यानलका उम्मेदवारसंग परिचयात्मक कार्यक्रम

नेपालगन्जमा कांग्रेस र राप्रपाद्वारा साझाँँ प्यानलका उम्मेदवारसंग परिचयात्मक कार्यक्रम

बिहीबार, पुस २४, २०७६ बागेश्वरी पोस्ट

नेपालगन्ज ।माघ ११ गते हुने नेपालगञ्ज उद्योग बाणिज्य संघको निर्वाचनमा साझा प्रजातान्त्रिक उद्योगी व्यवसायी समूहका उम्मेदवारसँग नेपाली काँग्रेस र राप्रपाले परिचयात्मक कार्यक्रम गरेका छन् । नेपाली काँग्रेस र राप्रपाले उम्मेदवारहरुलाई आ आफ्नो पार्टी कार्यालयमा बोलाएर परिचयात्मक कार्यक्रम गरेका हुन् । त्यसक्रममा बोल्दै साझा प्रजातान्त्रिक उद्योगी व्यावसायी समूहबाट अध्यक्षका प्रत्याशी ललित कुमार रौनियारले उद्योग बाणिज्य संघको वृह्त हित र विकासका लागि साझा प्रजातान्त्रिक उद्योगी व्यावसायी समूह निर्माण भएको बताउनुभयो। उहाँले उद्योग बाणिज्य संघको गरिमालाई जोगाई राख्न लोकतन्त्रवादी उद्योगी व्यवसायिहरु एक हुनुको विकल्प नभएको बताउनुभयो । परिचयात्मक कार्यक्रममा मुस्लिम नेता समेत रहेका प्रदेश सांसद याकुव अन्सारीले उद्योग बाणिज्य संघलाई हाक्न सक्ने ललित कुमार रौनियारको साझा प्रजातान्त्रिक उद्योगी व्यवसायी समूह बाहेक अरु विकल्प हुनै नसक्ने बताउनुभयो । उद्योग बाणिज्य संघमा मिसन र भिजन भएको नेतृत्व चाहिन्छ त्यो रौनियारमा छ अन्सारीले भन्नुभयो । यस्तै राप्रपा जिल्ला कार्यसमितिले आफ्नो पार्टी कार्यालयमा आयोजना गरेको उम्मेदवारहरुसँगको परिचयात्मक कार्यक्रममा राप्रपा महामन्त्री डाक्टर धवलशम्शेर राणाले लोकतन्त्र र प्रजातन्त्रप्रति आस्था राख्ने उद्योगी व्यवसायीको साझा प्यानललाई सहयोग गर्न सबैलाई अपिल गर्नुभयो । नेपालगन्ज उपमहानगरपालिकाका मेयर समेत रहेका नेता राणाले उद्योग बाणिज्य संघको भूमिका पछिल्लो दिनमा खस्कदै गएकाले यस्को ओझ कायम राख्न रौनियार नेतृत्वको समूह सक्षम रहेको बताउनुभयो ।त्यस्तै राप्रपा युवा नेता ऋषिराज देबकोटाले उद्योग बाणिज्य संघको भूमिका पछिल्लो दिनमा खस्कदै गएकाले यस्को ओझ कायम राख्न रौनियार नेतृत्वको समूह सक्षम रहेको बताउनुभयो ।कार्यक्रममा राप्रपा जिल्ला अध्यक्ष नरेन्द्र पौडेललगायतका वक्ताहरुले उम्मेदवारहरुलाई विजयीको शुभकामना दिनुभएको थियो ।

प्रकाशित मिति: बिहीबार, पुस २४, २०७६ ०८:१३

प्रतिक्रिया दिनुहोस्