बाँके जिल्ला अदालतका तत्कालीन न्यायाधीश अधिकारी बर्खास्त

समाचार

गृहपृष्ठ
समाचार
बाँके जिल्ला अदालतका तत्कालीन न्यायाधीश अधिकारी बर्खास्त

बाँके जिल्ला अदालतका तत्कालीन न्यायाधीश अधिकारी बर्खास्त

बुधबार, भदौ १५, २०७९ बागेश्वरी पोस्ट

नेपालगञ्ज । न्यायपरिषद बैठकले जिल्ला न्यायाधीश श्यामसुन्दर अधिकारीलाई बर्खास्त गरेको छ । बिहीबार बसेको बैठकले न्यायाधीश अधिकारीलाई बर्खास्त गर्ने निर्णय गरेको परिषदका प्रवक्ता मानबहादुर कार्कीले बताए ।

अधिकारी जिल्ला अदालत बाँकेको न्यायाधीश हुँदा आर्थिक स्वार्थ र लेनदेनका कारण न्याय सम्पादन प्रभावित पारेको उजुरी परेको थियो । त्यसपछि न्याय परिषदले उनलाई सर्वोच्च अदालतमा झिकाएको थियो ।

बाँकेकी अधिकारकर्मी रुवी खानलाई पक्राउ गर्दा उनीमाथि ‘यान्त्रिक रुपमा पक्राउ अनुमती दिएको’ आरोप लागेको थियो ।

अधिकारीमाथि सप्तरी जिल्ला अदालतमा हुँदा घुस खाएको आरोप पनि छ । उनको खातामा शंकास्पद रुपमा ८ लाख रुपैयाँ भेटिएको थियो । त्यतिबेलै न्यायाधीश सपना प्रधान मल्लको इजलासले बर्खास्तीको सिफारिस गरेको थियो । तर, कार्यान्वयन भएको थिएन ।

अधिकारी कालीकोट र पछि बाँकेमा सरुवा भएका थिए ।

प्रकाशित मिति: बुधबार, भदौ १५, २०७९ १६:२२

प्रतिक्रिया दिनुहोस्