'अन्तर्घाती'को आरोप खेपिरहेका गोपाल दहित सिफारिसमै परेनन्

राजनीति

गृहपृष्ठ
राजनीति
'अन्तर्घाती'को आरोप खेपिरहेका गोपाल दहित सिफारिसमै परेनन्

'अन्तर्घाती'को आरोप खेपिरहेका गोपाल दहित सिफारिसमै परेनन्

सहमहामन्त्री राठोर र प्रधानमन्त्री पत्नी पनि प्रत्यक्षमा सिफारिस

शुक्रबार, भदौ १७, २०७९ बागेश्वरी पोस्ट

नेपालगञ्ज । नेपाली कांग्रेसका केन्द्रीय सदस्य गोपाल दहित आफ्नै निर्वाचन क्षेत्रबाट सिफारिसमा पर्न सकेनन् । बर्दिया क्षेत्र नम्बर २ ले उनको नाम नै सिफारिस नगरेर जिल्ला कार्यसमितिलाई नाम बुझाएको छ ।

गत स्थानीय निर्वाचनमा अन्तर्घात गरेको आरोप खेपिरहेका दहित सिफारिसमै नपरेका हुन् । क्षेत्रीय कार्यसमितिले उनलाई 'अन्तर्घाती' भन्दै सिफारिस नगरेको हो । उनी प्रत्यक्षमा सिफारिस हुन चाहन्थे । राजापुर नगरपालिकाको मेयर र आफ्नै वडाको वडा अध्यक्षलाई अन्तर्घात गरेको उजुरी जिल्ला अनुशासन समितिमा परेपछि अनुशासन समितिले उनलाई स्पष्टीकरण सोधेको थियो । तर, उनले स्पष्टीकरणको जवाफ नै दिएनन् ।

राजापुरको मेयरमा उठेका बर्दिया क्षेत्र नम्बर २ का क्षेत्रीय सभापति दिपकजंग शाहले अन्तर्घात गरेर पार्टीलाई क्षती पुर्याएको आरोप लगाउँदै उनको नाम नै सिफारिस गरेनन् । शाह मेयरमा ४७ मतको झिनो अन्तरले पराजित भएका थिए । वडा नम्बर २ का दहितको मतदान केन्द्रमा मेयर र वडा अध्यक्षलाई हँसिया हथौडामा र बाँकीलाई रुखमा मतदान गरिएका मतपत्र प्रशस्तै भेटिएको स्थानीय नेताहरु बताउँछन् । पार्टीको १४औं महाधिवेशनमा खुलातर्फ केन्द्रीय सदस्य निर्वाचित भएका दहित विजय कुमार गच्छेदारको फोरम लोकतान्त्रिक कांग्रेससंग एकीकरण हुँदा कांग्रेसमा समाहित भएका हुन् ।

बर्दिया क्षेत्र नम्बर २ कार्यसमितिले प्रत्यक्षतर्फ पार्टीका केन्द्रीय सहमहामन्त्री किशोरसिंह राठोर, प्रधानमन्त्री पत्नी नेतृ डा. आरजु राणा देउबा, जिल्ला सभापति अरुणप्रकाश सिंह राठोर, महासमिति सदस्य जन्मजय तिमिल्सिना, जिल्ला सचिव जग्गाप्रसाद पाण्डे, महासमिति सदस्य पर्शुराम चाधरी र पूर्व जिल्ला सदस्य भागिराम चौधरीको नाम सिफारिस गरेर जिल्ला कार्यसमितिलाई बुझाएको छ ।

प्रकाशित मिति: शुक्रबार, भदौ १७, २०७९ १०:२९

प्रतिक्रिया दिनुहोस्