बाँके-२ बाट प्रत्यक्षतर्फ किरण कोइरालासहित ३ जना सिफारिस

राजनीति

गृहपृष्ठ
राजनीति
बाँके-२ बाट प्रत्यक्षतर्फ किरण कोइरालासहित ३ जना सिफारिस

बाँके-२ बाट प्रत्यक्षतर्फ किरण कोइरालासहित ३ जना सिफारिस

मैकुलाल बाल्मिकी र गजेन्द्र हमाल समानुपातिकमा

शुक्रबार, भदौ १७, २०७९ बागेश्वरी पोस्ट

नेपालगञ्ज । नेपाली कांग्रेस क्षेत्र नम्बर २ बाँकेले जिल्ला कार्यसमितिमा नाम सिफारिस गरेको छ । प्रत्यक्षतर्फ ३ र समानुपातिकतर्फ १३ जनाको नाम सिफारिस गरिएको हो । मंसिर ४ गते हुने प्रतिनिधिसभा र प्रदेशसभा निर्वाचनका लागि उम्मेदवार छनौट गर्न क्षेत्रले आज नाम सिफारिस गरेको हो ।

पूर्व पार्टी सभापति एवम् पूर्व प्रधानमन्त्री स्वर्गीय सुशील कोइरालाले चुनाव लड्दै आएको क्षेत्र नम्बर २ मा उनकै भाई बुहारी नेपाली कांग्रेस बाँकेकी निवर्तमान सभापति किरण कोइराला, क्षेत्र नम्बर २ का क्षेत्रीय सचिव सुनिलसिंह हमाल र तरुण दल बाँकेका अध्यक्ष युवा नेता विरेन्द्र बहादुर शाहको नाम सिफारिस गरिएको क्षेत्रीय सभापति रमेशकुमार गुप्ताले बताए ।

समानुपातिकतर्फ केन्द्रीय सदस्य मैकुलाल बाल्मिकी, पूर्व मन्त्री एवम् पूर्व पार्टी सभापति गजेन्द्र हमाल, संविधानसभा सदस्य अब्दुल हमिद सिद्धिकी (भोला) लगायतको नाम सिफारिस गरिएको उनले बताए ।

पुरुष खुला
गजेन्द्र हमाल
दलित
मैकुलाल बाल्मिकी
मधेशी
बन्दना सिंह, त्रिलोकी गिरी
मुस्लिम
अब्दुल हमिद सिद्धिकी, साबरा बेगम
आदिबासी जनजाती
रविन्द्रमान श्रेष्ठ
अपांग/अल्पसंख्यक
डा. सुरेशकुमार कनोडिया, रामु चिडिमार, राकेश श्रीवास्तव
खसआर्य
अजितकुमार शर्मा, रमा उपाध्याय, कमला भट्ट