सांसद बन्ने बाटोमा बादी समुदायकी सुशिला !

राजनीति

गृहपृष्ठ
राजनीति
सांसद बन्ने बाटोमा बादी समुदायकी सुशिला !

सांसद बन्ने बाटोमा बादी समुदायकी सुशिला !

मंगलबार, भदौ २१, २०७९ बागेश्वरी पोस्ट

सुशिला बादी (नेपाली)

नेपालगञ्ज । सुशिला बादी (नेपाली) पछाडि परेको अल्पसंख्यक सीमान्तकृत बादी समुदायकी छोरी हुन् । २०६१ सालदेखि नेपाली कांग्रेसको राजनीतिमा अनवरत क्रियाशील सुशिला २०७९ को प्रतिनिधिसभा र प्रदेशसभा निर्वाचनमा प्रदेशसभा क्षेत्र नम्बर २ (ख) बाट समानुपातिकतर्फ सिफारिसमा परेकी छिन् । लुम्बिनी प्रदेशसभाका लागि समानुपातिकबाट अल्पसंख्यक तर्फको क्लष्टरमा सिफारिस भएकी सुशिलाले लुम्बिनी प्रदेश कमिटीलाई बादी समुदायको प्रतिनिधित्व हुने गरी दलित महिला कोटामा आफ्नो नाम केन्द्रीय कार्यसमितिमा सिफारिस गरिदिन ध्यानाकर्षण पनि गराएकी छिन् ।

२०६९ सालमा नेपाली कांग्रेसको क्रियाशील सदस्यता लिएकी उनी हाल नेपाली कांग्रेस बाँकेको कार्यसमिति सदस्य हुन् । कार्यसम्पादन समितिको सदस्य समेत रहेकी सुशिला विगत १५ बर्षदेखि सामाजिक सेवामा पनि समर्पित छिन् । सीमान्तकृट बादी समुदायको विकास र उत्थानका लागि उनी पर्यत्नशील छिन् । उनी भन्छिन्, "मैले पार्टीप्रति पुर्याएको योगदान र सामाजिक क्षेत्रमा सेवा भावका साथ गरेको कामको आधारमा मलाई समानुपातिकको बन्दसूचीमा पार्टीले राख्नेछ भन्ने विश्वास लिएकी छु ।"

नेपाल दलित संघ वडा स्तरको वडा सभापति हुँदै नेपाल महिला संघ बाँकेको सदस्य, नेपाल दलित संघको केन्द्रीय महाधिवेशन प्रतिनिधि भइसकेको अनुभव पनि उनीसंग छ । उनी राष्ट्रिय बादी महिला सञ्जालमा विगत १० बर्षदेखि कोषाध्यक्ष छिन् । पार्टीको आन्तरिक निर्वाचनदेखि स्थानीय र आम निर्वाचनहरुमा पार्टीलाई जिताउन अहोरात्र खट्ने स्वभावकी सुशिला बादी (नेपाली) १४औं महाधिवेशनमा वडा नम्बर ६ बाट क्षेत्रीय प्रतिनिधिमा निर्वाचित भएकी थिइन् ।

सुशिलाले लुम्बिनी प्रदेश कार्यसमितिलाई लेखेको निवेदन यस्तो छ-

No description available.