विनोद न्यौपाने कांग्रेस बाँकेको क्षेत्रीय प्रतिनिधि मनोनित

राजनीति

गृहपृष्ठ
राजनीति
विनोद न्यौपाने कांग्रेस बाँकेको क्षेत्रीय प्रतिनिधि मनोनित

विनोद न्यौपाने कांग्रेस बाँकेको क्षेत्रीय प्रतिनिधि मनोनित

बुधबार, भदौ २२, २०७९ बागेश्वरी पोस्ट

नेपालगञ्ज । नेपाली कांग्रेस बाँकेले विनोद न्यौपानेलाई क्षेत्रीय प्रतिनिधि मनोनित गरेको छ । कांग्रेसको विधान अनुसार सभापति नारायणप्रसाद गौडेलले न्यौपानेलाई क्षेत्रीय प्रतिनिधिमा मनोनित गरेका हुन् ।

कांग्रेस विधान अनुसार अधिवेशन सम्पन्न भएपछि प्रदेश, जिल्ला, प्रतिनिधिसभा क्षेत्र र प्रदेशसभा क्षेत्रीय सभापतिहरुले बढीमा ७ जना क्षेत्रीय प्रतिनिधि मनोनित गर्न पाउने व्यवस्था छ । यही व्यवस्थालाई टेकेर सभापति गौडेलले न्यौपानेलाई क्षेत्रीय प्रतिनिधिमा मनोनित गरेका हुन् । गौडेलले यसअघि डिल्ली गिरीलाई क्षेत्रीय प्रतिनिधि मनोनित गरेका थिए । गिरी हाल नेपाली कांग्रेस बाँकेको प्रबक्ता छन् ।

न्यौपानेसंगै सभापति गौडेलले आज कोहलपुरकी नारायणी घिमिरे, राप्तीसोनारीका प्रेमराज श्रेष्ठ, बैजनाथका पवन थारु र कोहलपुरका गोपाल शर्मा देवकोटालाई क्षेत्रीय प्रतिनिधि मनोनित गरेको सचिव सुधांशु कोइरालाले बताए । अब सभापतिले एक जना क्षेत्रीय प्रतिनिधि मनोनयन गर्न बाँकी छ ।

को हुन् न्यौपाने ?

न्यौपाने पूर्व जिल्ला सदस्य हुन् । उनी नेपाल ट्रेड युनियन कांग्रेसको संगठन विभागको केन्द्रीय सदस्य पनि भए । व्यापार सम्बद्ध ट्रेड युनियन कांग्रेसको केन्द्रीय उपाध्यक्ष भइसकेका न्यौपाने नेपालगञ्ज ६ फूल्टेक्रा निवासी हुन् ।

No description available.