भेरीमा उपचाररत बालिकालाई बस्नेतको पहलमा आर्थिक सहयोग

समाचार

गृहपृष्ठ
समाचार
भेरीमा उपचाररत बालिकालाई बस्नेतको पहलमा आर्थिक सहयोग

भेरीमा उपचाररत बालिकालाई बस्नेतको पहलमा आर्थिक सहयोग

आइतबार, असोज २, २०७९ बागेश्वरी पोस्ट

नेपालगन्ज । स्वास्थ्यमा समस्या देखिएपछि भेरी अस्पतालमा उपचाररत प्यूठान झिमरुक- ८ की ७ वर्षीया बालिका वर्षा थापालाई आर्थिक सहयोग जुटेको छ ।

बेलाबेलामा बेहोस हुने समस्या बालिकामा देखिएपछि वर्षालाई उपचारका लागि बालिकाको आमाले भेरी अस्पतालमा १२ दिन अघि ल्याएकी थिइन् ।

अस्पताल हाता भित्रको प्रतिक्षालयबाट पैसा सहितको ब्याग चोरी भएपछि उनी बिखलबन्दमा परेकी थिइन् । चिकित्सकले ती बालिकालाई एमआरआई गर्न सुझाएका थिए ।

तर, रकम अभाव भएपछि ७ वर्षीया छोरीसहित नेपालगन्जमा भौतारिएकी उनी अन्ततः उपमहानगरपालिका पुगेकी थिइन् ।

उनी छोरीसहित रुँदै उपमहानगरपालिका आएकी थिइन् । स्वास्थ्य महाशाखाका जनस्वास्थ्य निरीक्षक जागेश्वर बस्नेतले भने-`त्यो दु:ख देख्न नसकेर केही आर्थिक सहयोग गरेका हौं ।´

बस्नेतको पहलमा ती बालिकालाई नगद ४ हजार ५१ रुपैयाँ आर्थिक सहयोग गरिएको छ । नेपालगन्ज निवासी बस्नेतले १ हजार ५०, कोहलपुरका सुदन बुढाथोकीले १ हजार, कोहलपुरकै पवन वर्णवालले १ हजार १ रुपैयाँ, त्यसैगरी सुर्खेतका बिक्रम हमालले १ हजार रुपैयाँ सहयोग गरेका छन् ।

बालिकाको एमआरआई भने जीवन रक्षा डाइग्नोष्टिक सेन्टरमा नि:शुल्क गरिएको छ । बस्नेतको आग्रहपछि वेस्टर्न हस्पिटलका निर्देशक डा. राहुल थापाले नि:शुल्क एमआरआई गरिदिएका हुन् ।

बस्नेतले यसअघि पनि यस्ता मानवीय तथा सामाजिक काममा सहयोग पुर्‍याउँदै आएका छन् ।

प्रकाशित मिति: आइतबार, असोज २, २०७९ १८:०४

प्रतिक्रिया दिनुहोस्