कांग्रेस बाँकेले मनायो गणेशमान स्मृति दिवस, माल्यार्पण र दीप प्रज्ज्वलन

राजनीति

गृहपृष्ठ
राजनीति
कांग्रेस बाँकेले मनायो गणेशमान स्मृति दिवस, माल्यार्पण र दीप प्रज्ज्वलन

कांग्रेस बाँकेले मनायो गणेशमान स्मृति दिवस, माल्यार्पण र दीप प्रज्ज्वलन

आइतबार, असोज २, २०७९ बागेश्वरी पोस्ट

नेपालगञ्ज । नेपाली कांग्रेस बाँकेले गणेशमान सिंहको २५औँ स्मृति दिवस मनाएको छ । स्मृति दिवसका अवसरमा कांग्रेस बाँकेले सुर्खेतरोड गणेशमान चोकस्थित गणेशमान सिंहको शालिकमा माल्यार्पण र दीप प्रज्ज्वलन गरेको छ । नेपाली कांग्रेस बाँकेका कार्यबहाक सभापति मनप्रसाद आचार्यले गणेशमानको शालिकमा माल्यार्पण गरेका हुन् । त्यस अवसरमा दीप प्रज्ज्वलन पनि गरिएको थियो ।

No description available.

कार्यक्रममा बोल्दै कार्यबहाक सभापति आचार्यले २०४६ सालको राजनीतिक आन्दोलनका सर्वोच्च कमाण्डर सिंह त्यागका प्रतिमूर्ति भएको बताएको थिए । उनको अगुवाईमा नै राजनीतिक परिवर्तन सम्भव भएको भन्दै आचार्यले गणेशमानले देखाएको बाटोमा हिंड्न सके उनीप्रति सच्चा श्रद्धाञ्जली हुने बताए । प्रजातन्त्र पुनर्वहालीका नाइके सिंह नेपाली राजनीतिका अनुकरणीय व्यक्तित्व भएको उनको भनाई छ ।

No description available.

कार्यक्रममा नेपाली कांग्रेस बाँकेका कोषाध्यक्ष यज्ञबहादुर बस्नेत, क्षेत्र नम्बर २ (ख) का सभापति जितेन्द्रबहादुर हमाल (कैलास), जिल्ला सदस्य अमृतकुमार आचार्य, कोहलपुर नगर सभापति विरेन्द्रकुमार शाह, तरुण दल बाँकेका सचिव विनोद रिजाल लगायत उपस्थित थिए । कार्यक्रमको सञ्चालन क्षेत्र नम्बर २ का क्षेत्रीय सचिव सुनिलसिंह हमालले गरेका थिए ।

No description available.

प्रजातन्त्र पुनःस्थापनाका लागि २०४६ सालमा भएको जनआन्दोलनमा गरेको नेतृत्वका कारण उनलाई सर्वोच्च कमाण्डर मान्ने गरिन्छ । २०४६ को जनआन्दोलन सफल भएपछि तत्कालीन राजा वीरेन्द्रले प्रधानमन्त्री बन्न गरेको आग्रहमा उनले आफ्ना समकक्षी नेता कृष्णप्रसाद भट्टराईलाई अघि सार्दै नेपाली राजनीतिमा त्यागको उच्च नमुना प्रस्तुत गरेका थिए । १९७२ साल कात्तिक २४ गते काठमाण्डौको क्षेत्रपाटीमा जन्मिएका नेता सिंहको निधन २०५४ साल असोज २ गते भएको थियो ।

सिंहले १९९७ सालमा स्थापना भएको नेपालको पहिलो राजनीतिक पार्टी प्रजा परिषद्को सदस्य भई राणा शासन हटाउने अभियानमा आफूलाई सक्रिय बनाएका थिए । २०१५ सालमा पहिलो चुनावपछि बनेको सरकारमा मन्त्री भएका गणेशमानले २०१७ सालमा प्रजातन्त्र अपहरण भएपछि आठ वर्ष निरन्तर पहिले सिंहदरबार र त्यसपछि सुन्दरीजल गृहमा कारावास जीवन बिताएका थिए ।

२०२५ सालमा वीपीसँगै सुन्दरीजल बन्दी गृहबाट रिहा भएपछि प्रवासमा राजनीतिक सङ्गठन विस्तार गरे । २०३३ सालमा वीपीसँगै राष्ट्रिय एकता तथा मेलमिलापको नीति लिएर स्वदेश फर्केर तत्कालीन पञ्चायती व्यवस्थाका विरूद्ध सक्रिय रहे ।

No description available.