खोलाको उत्खननको बिरोधमा आवाज उठाएका एक युवकको टिपरले किचेर हत्या

समाचार

गृहपृष्ठ
समाचार
खोलाको उत्खननको बिरोधमा आवाज उठाएका एक युवकको टिपरले किचेर हत्या

खोलाको उत्खननको बिरोधमा आवाज उठाएका एक युवकको टिपरले किचेर हत्या

शुक्रबार, पुस २५, २०७६ बागेश्वरी पोस्ट

जनकपुर ।अवैध रूपमा खोलामा भइरहेको उत्खननको विरोधको आवाज उठाएका एक युवकको क्रसर सञ्चालकले टिपरले किचेर हत्या गरेका छन् ।

अवैध उत्खननमार्फत नदीजन्य वस्तु तस्करी गरिएको भन्दै रोक्न गएका धनुषाका एक युवक दिलिप कुमार महतोको टिपरले किचेर ‘हत्या’ गरिएको छ । महतो शुक्रबार बिहान ४ बजे ढल्केबरमा उत्खनन नगर्न आग्रह गर्दै खोलामा पुगेका थिए ।

त्यही उनीमाथि टिपरले आक्रमण गरेको र उनको घटनास्थलमै मृत्यु भएको प्रहरीले बताएको छ। मृतकको शवलाई परीक्षणका लागि जनकपुरस्थित प्रादेशिक अस्पताल ल्याइएको छ । घटनाको बिषयमा थप अनुसन्धान भइरहेको प्रहरीले जनाएको छ । टिपर र टिपरका चालकलाई प्रहरीले नियन्त्रणमा लिएको छ ।

चालकको नाम भने प्रहरीले खुलाएको छैन । महतोको हत्याको बिरोधमा ढल्केबरमा स्थानीयहरु टायर बालेर पुर्व पश्चिम राजमार्गमा चक्काजाम गरेका छन् ।

प्रकाशित मिति: शुक्रबार, पुस २५, २०७६ १२:२४

प्रतिक्रिया दिनुहोस्