राष्ट्रपतिबाट प्रमाणीकरण नगरेर प्रणाली नै खतरामा पार्ने काम भयो:रामचन्द्र पौडेल

राजनीति

गृहपृष्ठ
राजनीति
राष्ट्रपतिबाट प्रमाणीकरण नगरेर प्रणाली नै खतरामा पार्ने काम भयो:रामचन्द्र पौडेल

राष्ट्रपतिबाट प्रमाणीकरण नगरेर प्रणाली नै खतरामा पार्ने काम भयो:रामचन्द्र पौडेल

बुधबार, असोज ५, २०७९ बागेश्वरी पोस्ट

फाइल फोटो

नेपालगन्ज । नेपाली कांग्रेसका वरिष्ठ नेता रामचन्द्र पौडेलले राष्ट्रपति विद्यादेवी भण्डारीबाट संवैधानिक अधिकार प्रयोग गर्नुको साटो विद्यमान राजनीति नै खतरामा पार्ने काम भएको बताएका छन् ।

जननिर्वाचित सभाबाट अनुमोदन सहित प्रस्तावित विधेयक राष्ट्रपतिले प्रमाणीकरण नगरेर राजनीतिक प्रणाली नै खतरामा पार्ने काम भएको सामाजिक सञ्जालमा पौडेलले लेख्दै आपत्ति प्रकट गरेका छन् ।

जननिर्वाचित सभाबाट अनुमोदन सहित प्रस्तावित विधेयकको संवैधानिक अधिकार प्रयोग गर्नु पर्नेमा राष्ट्रपतिबाट प्रणाली नै खतरामा पार्ने काम भएको छ । 'बारम्बार संविधानको मर्म र भावनामा चोट पुग्ने काम संवैधानिक निकायबाट हुनुले व्यवस्था माथिको प्रहार हो । म यसको भर्त्सना गर्दछु ,' पौडेलले लेखेका छन् ।

राष्ट्रपति भण्डारीले प्रतिनिधिसभा र राष्ट्रियसभाले पारित गरेको नेपाल नागरिकता ऐन, २०६३ लाई संशोधन गर्न बनेको विधेयक प्रमाणीकरण नगरेर संविधानको गम्भीर उल्लङ्घन गरेकी छन् ।

संविधानको धारा ११३ को उपधारा ९४० मा राष्ट्रपतिले कुनै विधेयक सन्देशसहित फिर्ता गरेमा त्यस्तो विधेयकमाथि दुवै सदनले पुनः विचार गरी त्यस्तो विधेयक प्रस्तुत रूपमा वा संशोधनसहित पारित गरी पुनः पेश गरेमा त्यसरी पेश भएको १५ दिनभित्र राष्ट्रपतिले प्रमाणीकरण गर्नुपर्ने व्यवस्था छ ।

प्रकाशित मिति: बुधबार, असोज ५, २०७९ १०:१९

प्रतिक्रिया दिनुहोस्