मुस्लिम धर्मगुरुले दिए रौनियार प्यानललाई जितको शुभकामना

राजनीति

गृहपृष्ठ
राजनीति
मुस्लिम धर्मगुरुले दिए रौनियार प्यानललाई जितको शुभकामना

मुस्लिम धर्मगुरुले दिए रौनियार प्यानललाई जितको शुभकामना

शुक्रबार, पुस २५, २०७६ बागेश्वरी पोस्ट

नेपालगञ्ज । आगामी माघ ११ गते हुने नेपालगञ्ज उद्योग बाणिज्य संघको निर्वाचनमा बाँकेका मुस्लिम धर्म गुरु मौलना अव्दुल जब्बार मन्जरीले ललित कुमार रौनियार नेतृत्वको साझा प्रजातान्त्रिक उद्योगी व्यवसायी समूहका उम्मेदवारलाई विजयीको शुभकामना दिनुभएको छ ।

घरदैलो अभियानका क्रममा शुक्रबार विहान इदगाह पुगेको साझा प्रजातान्त्रिक उद्योगी व्यवसायी समूहका उम्मेदवारलाई मुस्लिम धर्म गुरु मन्जरीले विजयीको शुभकामना दिदै उद्योग बाणिज्य संघको संस्थागत विकास, सम्पूर्ण उद्योगी व्यावसायीको हकहित र सुरक्षाका सवालमा प्रभावकारी ढंगले काम गर्न सुझाव दिनुभयो । उहाँले सबै उद्योग व्यवसायलाई समान दृष्टिकोण राखेर अघि बढ्ने नेतृत्व संघलाई आवश्यक रहेकोमा समेत जोड दिनुभएको छ ।

इदगाहमा मुस्लिम समुदायले रौनियार प्यानललाई सहयोगको प्रतिबद्धता व्यक्त गरेका थिए । साझा प्रजातान्त्रिक उद्योगी व्यवसायी समूहले शुक्रबार इदगाह, त्रिभुवनचोक देखि विपि चोकलगायतका क्षेत्रमा घरदैलो तथा मतदाता भेटघाट गरेको छ । “आर्थिक समुन्नति सहितको व्यवसायिक स्वतन्त्रता, संस्थागत विकासको लागि हाम्रो प्रतिबद्धता” भन्ने नाराका साथ रौनियार नेतृत्वको साझा प्रजातान्त्रिक उद्योगी व्यवसायी समूह घरदैलोमा पुग्दा मतदाता उत्साहित हुँदै विजयीको शुभकामना तथा शुभेच्छा दिने गरेका छन् ।

समूहकोे तर्फबाट उद्योग उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेत उम्मेदवार रहनुभएको छ । साझा प्रजातान्त्रिक उद्योगी व्यवसायी समूहको सदस्य पदका उम्मेदवारहरुमा अजय कुमार टण्डन, सुुनिल सिंघल, बिन्दु चर्तीमगर, टेकबहादुर खड्का, बदरुदिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदार हुनुहुन्छ ।

प्रकाशित मिति: शुक्रबार, पुस २५, २०७६ १२:५०

प्रतिक्रिया दिनुहोस्