रुकुम पूर्वमा बस दुर्घटना, ४ जनाको मृत्यु

समाचार

गृहपृष्ठ
समाचार
रुकुम पूर्वमा बस दुर्घटना, ४ जनाको मृत्यु

रुकुम पूर्वमा बस दुर्घटना, ४ जनाको मृत्यु

बिहीबार, असोज ६, २०७९ बागेश्वरी पोस्ट

नेपालगन्ज । रुकुम पूर्वको भूमे गाउँपालिका- ३ को क्याङ्सी बगरमा बस दुर्घटना हुँदा ४ जनाको मृत्यु भएको छ । दुर्घटनामा १० जना भन्दा बढी घाइते भएका छन् ।

काठमाडौंबाट रुकुमकोटतर्फ जाँदै गरेको ग १ ख ९१०९ नम्बरको बस सडकबाट ५० मिटर तल बगरमा खसेर दुर्घटना भएको रुकुम पूर्वका प्रहरी प्रमुख डीएसपी प्रकाश डाँगीले जानकारी दिए । दुर्घटनामा चार जनाको घटनास्थलमै मृत्यु भएको हो । घाइतेहरुलाई उपचारका लागि रुकुम पूर्व जिल्ला अस्पताल लगिएको छ ।

उद्दार भइरहेकाले मृतकको सनाखत हुन बाँकी रहेको र घाइतेको पनि परिचय नखुलेको डीएसपी डाँगीले बताए । घटनाको थप विवरण आउन बाँकी रहेको प्रहरीले जनाएको छ ।

प्रकाशित मिति: बिहीबार, असोज ६, २०७९ १७:०४

प्रतिक्रिया दिनुहोस्