नेपालगञ्ज नाकामा दशैं मान्न घर फर्कनेको लर्को

समाचार

गृहपृष्ठ
समाचार
नेपालगञ्ज नाकामा दशैं मान्न घर फर्कनेको लर्को

नेपालगञ्ज नाकामा दशैं मान्न घर फर्कनेको लर्को

शनिबार, असोज ८, २०७९ बागेश्वरी पोस्ट

नेपालगञ्ज । दशैं तिहार नजिकिएसंगै रोजगारीका लागि भारत गएका नेपालीहरु घर फर्किने क्रम तीब्र बनेको छ । नेपालगञ्ज नाका भएर दैनिक पाँच हजार नेपाली स्वदेश फर्किरहेका छन् ।

भारतबाट अहिले दैनिक झण्डै ५ हजार नेपाली घर फर्किरहेको इलाका प्रहरी कार्यालय जमुनाहाले जनाएको छ । इलाका प्रहरी कार्यालय जमुनाहाका प्रमुख प्रहरी नायब निरीक्षक माधव रिजालले हरेक दिन घर फर्किने नेपालीको सीमामा भीड लाग्ने गरेको बताए । भारतबाट फर्किने नेपालीहरुको स्वास्थ्य परीक्षणका लागि जमुनाहा सीमा नाकामा हेल्थ डेस्क राखिएको छ ।

लुम्बिनी र कर्णाली प्रदेशका दाङ, रोल्पा, पूर्वी रुकुम, सुर्खेत, दैलेख, जाजरकोट, कालीकोट, जुम्ला, हुम्ला, सल्यान, जाजरकोट लगायतका जिल्लाबाट हजारौँ युवाहरु काम खोज्न भारत पस्ने र चाडपर्वका समयमा घर फर्किने गरेका छन् । घर फर्किएका अधिकांश युवाहरू चाडपर्व मनाएर फेरि पनि भारतमै काम गर्न जाने गर्दछन् ।

प्रकाशित मिति: शनिबार, असोज ८, २०७९ १३:४६

प्रतिक्रिया दिनुहोस्