शेखर समूहले पार्टी कार्यालयमा धर्ना दिने

राजनीति

गृहपृष्ठ
राजनीति
शेखर समूहले पार्टी कार्यालयमा धर्ना दिने

शेखर समूहले पार्टी कार्यालयमा धर्ना दिने

सोमबार, असोज १०, २०७९ बागेश्वरी पोस्ट

नेपालगञ्ज । नेपाली कांग्रेसको डा. शेखर कोइराला समूहले पार्टी कार्यालयमा धर्ना दिने भएको छ ।

आज बसेको शेखर समूहको बैठकले १२ गते बुधबार पार्टी केन्द्रीय कार्यालय सानेपामा एक घण्टा धर्ना दिने निर्णय गरेको हो । मध्याह्न १२ बजेदेखि १ बजेसम्म धर्ना दिइने युवा नेता मनोजमणि आचार्यले बताए ।

१४ गतेसम्म पनि समानुपातिक सूची नसच्याए थप विरोधका कार्यक्रम तय गर्ने निर्णय बैठकले गरेको छ ।

टिकट वितरणमा समान र न्यायोचित अवसरको माग गर्दै संस्थापन इतर समूहले प्रधानमन्त्री समेत रहेका सभापति शेरबहादुर देउबामाथि दबाब बढाइरहेको छ ।

पार्टीमा देखिएको मनपरी र १४औँ महाधिवेशनमा मत नदिएका नेतालाई आशन्न निर्वाचनमा टिकट नदिने षड्यन्त्रका विरुद्ध खबरदारी गर्न गत शनिबार खबरदारी सभा आयोजना गरिएको थियो ।

प्रकाशित मिति: सोमबार, असोज १०, २०७९ १२:५२

प्रतिक्रिया दिनुहोस्