बडा दसैंको तेस्रो दिन आज चन्द्रघण्टाको पूजा आराधना गरी मनाइँदै

समाचार

गृहपृष्ठ
समाचार
बडा दसैंको तेस्रो दिन आज चन्द्रघण्टाको पूजा आराधना गरी मनाइँदै

बडा दसैंको तेस्रो दिन आज चन्द्रघण्टाको पूजा आराधना गरी मनाइँदै

बुधबार, असोज १२, २०७९ बागेश्वरी पोस्ट

नेपालगञ्ज । बडा दसैंको तेस्रो दिन आज भगवती चन्द्रघण्टाको पूजा आराधना गरी मनाइँदैछ। चन्द्रघण्टा देवीको आराधनाका लागि बिहानैदेखि देशभरका भगवतीका मन्दिर र शक्तिपीठहरुमा भक्तजनको घुइँचो लागेको छ।

नवरात्रको तेस्रो दिन महामायाको तेस्रो स्वरुप भगवती चन्द्रघण्टा देवीको संकल्पबद्ध भएर आराधना गर्ने गरिन्छ । अर्धचन्द्र भएकी माता चन्द्रघण्टाको स्मरणद्वारा सांसारिक सुखभोगको इच्छा पूर्ण भई जीवनबाट मुक्ति मिल्ने विश्वास छ ।

उपासकमा शान्तभावको पालना गरी निरन्तर पूजन, ध्यान र चिन्तन गर्नु आवश्यक छ । नवरात्रको यस दिनमा करुणामूर्ति देवीको आराधना गर्ने प्रचलन अत्यन्त सारगर्भित छ । योग विज्ञानका अनुसार यस दिनमा साधकको ध्यान मणिपुर चक्रमा केन्द्रित हुन्छ ।

नवरात्रका ९ दिनमा शैलपुत्री, ब्रह्मचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्री, महागौरी र सिद्धिदात्रीको पूजा आराधना गर्ने गरिन्छ ।

प्रकाशित मिति: बुधबार, असोज १२, २०७९ ०७:०३

प्रतिक्रिया दिनुहोस्