पारिश्रमिक माग्दा नेपाल लाइभका संचालकद्वारा गालीगलौज !

समाचार

गृहपृष्ठ
समाचार
पारिश्रमिक माग्दा नेपाल लाइभका संचालकद्वारा गालीगलौज !

पारिश्रमिक माग्दा नेपाल लाइभका संचालकद्वारा गालीगलौज !

बिहीबार, असोज १३, २०७९ बागेश्वरी पोस्ट

दाङ । नेपाल लाइभ डट कममा कार्यरत दाङ प्रतिनिधि प्रियास्मृती गजमरेलाई उनी कार्यरत रहेको अनलाइन संचालकले दुर्व्यवहार गरेका छन् ।

उक्त अनलाइनका दाङ प्रतिनिधि रहेका पत्रकार गजमेरले दशैं आइसक्यो सर, दशैं खर्च पठाइदिनु हुन्छ कि भनेर फोन गर्दा नेपाल लाइभका संचालक अनिल न्यौपानेले अश्लील शब्द प्रयोग गर्दै गाली समेत गरेको उनले गुनासो गरे ।

तीन महिना अघिबाट नेपाल लाइभमा जोडिएको बताएका पत्रकार गजमेरले अनलाइनका सञ्चालक न्यौपानेले पारिश्रमिक दिनुको साटो उल्टै हप्काएर फोन नगर्ने धम्की दिएको गुनासो गरेका छन् । "काम गरेपछि पारिश्रमिक चाहियो, त्यहीँ माग्न सम्पर्क गर्दा उल्टै खप्की खानु पर्यो," उनले भने-"श्रम शोषण गर्ने मिडिया हाउस किन चाहियो ?"

आफूमाथि भएको अन्यायको बिरोधमा नेपाल पत्रकार महासंघ दाङमा समेत उजुरी दिने तयारी गरेको जानकारी दिएका छन् । न्यौपानेले अश्लील शब्द प्रयोग गर्दै गालीगलौज गरेको गजमेरले बताए ।

No description available.