कोहलपुर कांग्रेस सभापति शर्मामाथी हातपातको प्रयास

राजनीति

गृहपृष्ठ
राजनीति
कोहलपुर कांग्रेस सभापति शर्मामाथी हातपातको प्रयास

कोहलपुर कांग्रेस सभापति शर्मामाथी हातपातको प्रयास

शनिबार, पुस २६, २०७६ बागेश्वरी पोस्ट

कोहलपुर ।नेपाली कांग्रेस कोहलपुर नगर सभापति बलराम शर्मामाथि बैठक कक्षमै आफ्नै कार्यकर्ताबाट हातपात भएको छ । शर्मामाथि हातपात हुनुको साथै अन्य पदाधिकारी र सदस्यमाथि पनि दुर्व्यवहारसंगै गाली गलौज भएको हो ।

नेपाली काँग्रेस कोहलपुर नगर सचिव भुमबहादुर भण्डारीद्वारा जारी विज्ञप्तिमा हिजो पार्टीको नियमित बैठक बसिरहेको बेलामा दिग्विजय जङ्ग राणा, हर्षिङ कठायत, जनक विक लगायतका ब्यक्ति बैठकस्थलमा प्रवेश गरी हुलहुज्जत गर्नुको साथै माइन्युट र पार्टीका महत्त्वपूर्ण कागजात च्यातेको उल्लेख छ ।

‘नियमित बैठक बसिरहेको अवस्थामा एक्कासी हुलहुज्जतको शैलीमा दिग्विजय जङ्ग राणा, हर्षिङ कठायत, जनक विक लगायतका ब्यक्ति बैठकस्थलमा प्रवेश गरी हुलहुज्जत गर्दै पार्टीको माइन्युट च्यात्नु, लुट्नुको साथै सभापति शर्मा र पदाधिकारी तथा सदस्यमाथि दुर्व्यवहार, हातपात र गाली गलौज गरिएको घटनाप्रति घोर भत्सर्ना गर्दै दोषी उपर कारबाहीको लागि जोडदार माग गर्दछौं’ विज्ञप्तिमा उल्लेख छ ।

उनीहरुलाई २४ घण्टाभित्र पक्राउ गरी कानुनी कारवाहीमा ल्याउन माग गरिएको छ । सभापति शर्माले बैठक बसिरहेको बेलामा तरुण दलकै केही नेता आएर हुलहुज्जत गर्दै माइन्युट च्यातेको बताउनुभयो । उहाँले घटना लगत्तै प्रहरी आएर मुचुल्का उठाएको जानकारी दिनुभयो । राणा तरुण दल क्षेत्रीय अध्यक्ष, कठायत तरुण दल नगर सभापति र बिक तरुण दल जिल्ला सदस्य भएको बताइएको छ ।

प्रकाशित मिति: शनिबार, पुस २६, २०७६ १४:२६

प्रतिक्रिया दिनुहोस्