लगातार वर्षाका कारण नरैनापुर आसपासका विभिन्न क्षेत्र जलमग्न

समाचार

गृहपृष्ठ
समाचार
लगातार वर्षाका कारण नरैनापुर आसपासका विभिन्न क्षेत्र जलमग्न

लगातार वर्षाका कारण नरैनापुर आसपासका विभिन्न क्षेत्र जलमग्न

गाउँपालिका अध्यक्ष शाहको नेतृत्वमा डुवानग्रस्त क्षेत्रको अनुगमन

बिहीबार, असोज २०, २०७९ बागेश्वरी पोस्ट

नरैनापुर (बाँके) । मंगलबारदेखि भएको लगातार वर्षाका कारण बाँकेको नरैनापुर आसपासका विभिन्न क्षेत्र जलमग्न भएका छन् ।

मुख्यगरी नरैनापुरको वडा नं. १ बनिया गाँउ, ४ को घोडदौरिया, ५ को जमुनहा, ६ को दोन्द्रा क्षेत्रमा रहेका घरहरुका पानी पसेपछि जनजीवन प्रभावित बनेको गाउँपालिका अध्यक्ष इश्तियाक अहमद शाहले बताए ।

गाउँपालिका अध्यक्ष शाहले वर्षाले नरैनापुर आसपासका विभिन्न वडाहरु जलमग्न हुनुका साथै दर्जनौं बढी घरमा पानी पसेको जानकारी दिए । उनले भने-“विभिन्न ठाउँबाट घरमा पानी पसेको गुनासो आइरहेको छ, यकिन तथ्याङ्क सकंलन गर्न वडा अध्यक्षसहित हामेव टोल-टोलको अनुगमन गरिरहेका छौं ।”

वडा नं. ४ का अध्यक्ष मनोज शर्माले घोडदौरिया गाउँमा १० वटा घरमा क्षति पुगेको बताउँदै निरन्तर परिरहेको पानीले अझ बढी क्षति हुने सम्भावना रहेकाले स्थानीयलाई सचेत हुन आग्रह गरेको बताए ।

वडा नं. ६ का अध्यक्ष प्रेम मौर्यले कतिपय घरमा खोलाको पानी पसिसकेको बताए । उनले समयमा पानी नपरेपछि धानबाली लगाउन नपाएर समस्या झेल्दै आएका नरैनापुरबासीलाई दैनिक छाक टार्न समस्या भएको अवस्थामा बाढी वस्तीमा पस्न थालेपछि थप समस्या भएको बताए ।

यता नरैनापुर गाउँपालिका अध्यक्ष शाहले निरन्तर पानी परिरहेकोले सचेत हुन आग्रह गर्दै नेपाली सेना, नेपाल प्रहरी र सशस्त्र प्रहरी बाढी प्रभावित क्षेत्रमा पुगिसकेको जानकरी दिए ।

प्रकाशित मिति: बिहीबार, असोज २०, २०७९ १७:४७

प्रतिक्रिया दिनुहोस्