जसपाका चारै जना मन्त्रीहरू बर्खास्त

राजनीति

गृहपृष्ठ
राजनीति
जसपाका चारै जना मन्त्रीहरू बर्खास्त

जसपाका चारै जना मन्त्रीहरू बर्खास्त

बिहीबार, असोज २७, २०७९ बागेश्वरी पोस्ट

नेपालगन्ज । प्रधानमन्त्री शेरबहादुर देउवाले जसपा मन्त्रीहरुलाई हटाएका छन् । गठबन्धनबाट बाहिरिएर पनि सरकार नछाडेपछि देउवा जसपाका मन्त्रीहरुलाई हटाएका हुन् ।

संघीय मामिला मन्त्री राजेन्द्र श्रेष्ठ, कृषि विकास मन्त्री मृगेन्द्र राय यादव, भौतिक पूर्वाधार मन्त्री मोहम्मद इश्तियाक राई र वन तथा वातावरण मन्त्री प्रदीप यादव पदमुक्त भएका छन् । सत्ता गठबन्धनबाट बाहिरिएर जसपाले एमालेसँग गठबन्धन गरेपछि देउवाले सो पार्टीका मन्त्रीहरुलाई हटाएका हुन् ।

चार वटै मन्त्रालय प्रधानमन्त्री देउवा आफैँले सम्हाल्नेछन् । त्यस्तै कानुन मन्त्रालयको जिम्मेवारी सञ्चार तथा सूचना प्रविधि मन्त्री ज्ञानेन्द्र कार्कीलाई दिइएको छ । कानुनमन्त्री गोविन्द बन्दीले समायवधि सकिएपछि राजीनामा दिएका थिए ।

प्रकाशित मिति: बिहीबार, असोज २७, २०७९ २०:५९

प्रतिक्रिया दिनुहोस्