मधेश प्रदेशमा कांग्रेसबाट मन्त्री बनेका ३ जना बर्खास्त

राजनीति

गृहपृष्ठ
राजनीति
मधेश प्रदेशमा कांग्रेसबाट मन्त्री बनेका ३ जना बर्खास्त

मधेश प्रदेशमा कांग्रेसबाट मन्त्री बनेका ३ जना बर्खास्त

शुक्रबार, असोज २८, २०७९ बागेश्वरी पोस्ट

नेपालगञ्ज । मधेश प्रदेशका मुख्यमन्त्री लालबाबु राउतले नेपाली कांग्रेसबाट मन्त्री बनेका ३ जनालाई बर्खास्त गरेका छन् ।

प्रधानमन्त्री शेरबहादुर देउवाले संघीय मन्त्रिपरिषदबाट जसपाका मन्त्रीलाई बर्खास्त गरेपछि राउतले पनि मधेश सरकारको मन्त्रिपरिषदबाट नेपाली कांग्रेसका ३ मन्त्रीलाई बर्खास्त गरेका हुन् ।

कांग्रेसबाट मधेश प्रदेश सरकारमा भौतिक पूर्वाधार विकास मन्त्री रामसरोज यादव, खानेपानी तथा उर्जा विकास मन्त्री ओमप्रकाश शर्मा र महिला बालबालिका युवा तथा खेलकुद मन्त्री वीरेन्द्रप्रसाद सिंह छन् । उनीहरुलाई मुख्यमन्त्री राउतले फोन गरी राजीनामा दिन भनेका थिए । तर, राजीनामा नदिएपछि बर्खास्त गरेका हुन् । उनीहरु २६ जेठ २०७८ मा नियुक्त भएका थिए ।

बिहीबार साँझ सत्ता गठबन्धन घटक दलहरु नेपाली कांग्रेस, एकीकृत समाजवादी र माओवादी केन्द्रका ६ मन्त्री र २ राज्यमन्त्री सबैलाई बर्खास्त गर्ने तयारी गरेपनि त्यसमा जसपाले पुनर्विचार गरी कांग्रेसका मात्र मन्त्री हटाएको हो ।

प्रकाशित मिति: शुक्रबार, असोज २८, २०७९ १५:०३

प्रतिक्रिया दिनुहोस्