नेकपा एसका नेता दलबहादुर सुनार माओवादीमा प्रवेश

राजनीति

गृहपृष्ठ
राजनीति
नेकपा एसका नेता दलबहादुर सुनार माओवादीमा प्रवेश

नेकपा एसका नेता दलबहादुर सुनार माओवादीमा प्रवेश

सोमबार, असोज ३१, २०७९ बागेश्वरी पोस्ट

नेपालगन्ज । नेकपा एकीकृत समाजबादी (एस) का पोलिटब्युरो सदस्य दलबहादुर सुनार नेकपा माओवादी केन्द्रमा प्रवेश गरेका छन् । माओवादीकी बाँके जिल्ला इन्चार्ज पूर्णाकुमारी सुवेदी र जिल्ला संयोजक डम्बर विक तुफानले उनलाई पार्टी प्रवेश गराएका हुन् ।

बाँके क्षेत्र नम्बर ३ बाट उम्मेदवार आकांक्षी सुनारले सत्ता गठबन्धनको सिट बाँडफाँडमा उक्त क्षेत्र कांग्रेसलाई परेपछि प्रदेशमै पनि चुनाव लड्ने जानकारी नेतृत्वलाई गराएका थिए । तर, उक्त क्षेत्र माओवादीको भागमा परेपछि उनले स्वतन्त्र उम्मेदवारी दिएका छन् । स्रोतका अनुसार माओवादीका उम्मेदवार आइपी खरेलको उम्मेदवारी निष्क्रिय बनाएर सुनारलाई अघि सार्ने सहमति अनुरुप सुनार माओवादी प्रवेश गरेका हुन् ।

२०७० मा बाँके क्षेत्र नम्बर ३ बाट एमालेका तर्फबाट निर्वाचित भएका सुनार सिंचाई राज्यमन्त्री पनि भएका थिए । क्षेत्र नम्बर ३ को दलित समुदायमा सुनारको प्रभाव रहेको बताइन्छ ।

प्रकाशित मिति: सोमबार, असोज ३१, २०७९ १८:३४

प्रतिक्रिया दिनुहोस्