आज र भोली बालबालिकालाई जुकाको औषधि र भिटामिन ‘ए’ खुवाइँदै

समाचार

गृहपृष्ठ
समाचार
आज र भोली बालबालिकालाई जुकाको औषधि र भिटामिन ‘ए’ खुवाइँदै

आज र भोली बालबालिकालाई जुकाको औषधि र भिटामिन ‘ए’ खुवाइँदै

बाँकेका करिब ५२००० बालबालिकालाई खुवाउँदै

बुधबार, कात्तिक २, २०७९ बागेश्वरी पोस्ट

नेपालगञ्ज । सरकारले आज र भोली देशभरका बालबालिकालाई जुकाको औषधि र भिटामिन ‘ए’ खुवाउँदैछ । ६ देखि ५९ महिनासम्मका बालबालिकालाई भिटामिन ‘ए’ क्याप्सुल तथा १ देखि ५ वर्षसम्मका बालबालिकालाई जुकाको औषधि खुवाउने कार्यक्रम रहेको स्वास्थ्य तथा जनसंख्या मन्त्रालयले जनाएको छ ।

बालबालिकालाई स्वास्थ्य स्वयंसेविकामार्फत भिटामिन ‘ए’ र जुकाको औषधि खुवाउन मन्त्रालयले आग्रह गरेको छ । भिटामिन ‘ए’ क्याप्सुल सन् १९९३ देखि र जुकाको औषधि सन् २००१ देखि खुवाउन थालिएको हो ।

वर्षमा दुई पटक पहिलो चरणमा कात्तिक २ र ३ गते तथा दोस्रो चरणमा वैशाख ६ र ७ गते बालबालिकालाई भिटामिन ‘ए’ र जुकाको औषधि खुवाउने गरिन्छ ।

बाँकेका करिब ५२००० र नेपालगञ्ज उपमहानगरपालिकाका करिब १३००० बालबालिकालाई आज र भोली दुई दिन महिला स्वास्थ्य स्वयंसेविकाहरुबाट भिटामिन ए र जुकाको औषधि खुवाउन लागिएको नेपालगञ्ज उपमहानगरपालिकाका हेल्थ असिस्टेन्ट तेज ओलीले जानकारी दिए ।

प्रकाशित मिति: बुधबार, कात्तिक २, २०७९ ०९:२२

प्रतिक्रिया दिनुहोस्