संसद भवन अगाडि आत्मदाह गरेका आचार्यको आर्यघाटमा अन्त्येष्टि

देश/समाज

गृहपृष्ठ
देश/समाज
संसद भवन अगाडि आत्मदाह गरेका आचार्यको आर्यघाटमा अन्त्येष्टि

संसद भवन अगाडि आत्मदाह गरेका आचार्यको आर्यघाटमा अन्त्येष्टि

शनिबार, माघ १४, २०७९ बागेश्वरी पोस्ट

नेपालगन्ज । सङ्घीय संसद भवन नयाँ बानेश्वर अगाडि मंगलबार दिउँसो आत्मदाह गरेका स्व. प्रेमप्रसाद आचार्यको पशुपति आर्यघाटमा अन्त्येष्टि गरिएको छ ।

अन्त्येष्टिका क्रममा स्व.आचार्यका शुभेच्छुक, जिल्लावासीहरूको बाक्लो उपस्थिति रहेको थियो। सरकारले माग पुरा गर्ने आश्वासन दिएसँगै परिवारले स्व. आचार्यको शव बुझेका थिए । शव बुझेपछि उनको अन्त्येष्टिका लागि आर्यघाट लगिएको थियो ।

उनको परिवारलाई सहयोगका निम्ति देश विदेशमा अर्थ सङ्कलन भइरहेको छ । उक्त सङ्कलित रकम स्व. आचार्यको श्रीमतीको खातामा पठाउन आव्हान गरिएको छ ।

फेसबुकमा आफ्नो व्यवसायका दुख र झन्झटहरूबारे खुलस्त पारेर उनले आत्मदाहको बाटो रोजेका थिए । उनले विभिन्न कामहरू गर्न खोजेको तर सफलता भने कतैबाट हात नलागेको बताउँदै गर्दा सफलताका अगाडि देखिएका व्यवधानका बारेमा खुलस्त लेखेका छन् । बैङ्कदेखि ठुला भनिने साहुले गरेको व्यवहारदेखि राजनीतिज्ञहरूको पनि नाम लिएका छन् ।

सङ्घीय संसद् चलिरहेको समयमा संसद् भवन अघि आत्मदाह गर्ने प्रेम आचार्यले लेखेको फेसबुक स्ट्याटसले सिङ्गो देश हल्लिएको थियो र अझै सम्हालिन सकेको छैन । उनले लेखेका आफ्ना भोगाइहरू धेरै साना तथा मझौला व्यवसायीहरूको साझा समस्या हुन् । उनले आफ्नो जीवनको यात्रामा भोगेको अफठ्याराहरूका बाबजुद उनले आन्दोलन र हिंसा नगर्न आव्हान गरेका छन् ।

उनको र उनको परिवारले भोगेका पिडाहरूलाई सम्बोधन र राहत दिन सरकारसँग १० बुँदे माग उनको परिवारले राखेको छ । यस्ता छन् ती मागहरू:

१.स्व.प्रेमप्रसाद आचार्यले उठाउनु भएको २५ बुँदे सुझावहरू मागहरू सम्बोधन हुनपर्ने ।

२. स्व.प्रेमप्रसाद आचार्यलाई बाध्य बनाएर आत्मदाह गर्न उत्प्रेरित गर्नेलाई कानुनी कारवाही गर्नुपर्ने ।

३. किसान र कृषि उपजलाई विना अवरोध र नगदमा नै कारोबार गर्ने व्यवस्था मिलाउनुपर्ने ।

४.बैंक तथा वित्तीय संस्थाले गरिरहेको चर्को ब्याजदर कम गर्ने तथा सरल कर्जा सहज रूपमा उपलब्ध गराउनुपर्ने ।

५. स्व. प्रेमप्रसाद आचार्यले लिएको कर्जा राज्यले स्वामित्व लिई चुक्ता गरिदिनुपर्ने ।

६. नाबालक सन्तानलाई उनीहरूले चाहेको विद्यालय शिक्षादेखि निशूल्क उच्च शिक्षासम्मको ग्यारेन्टी राज्यले गर्नुपर्ने ।

७. स्व.प्रेमप्रसाद आचार्यलाई आर्थिक कृषि क्रान्तिको प्रथम सहिद घोषणा गर्नुपर्ने ।

८.राज्यले प्रदान गरेका कृषि अनुदानको निष्पक्षताको विषयमा अनुसन्धान गर्नुपर्ने ।

९. कुनैपनि युवाले राज्यको नीतिको कारणले मृत्युवरण गर्नुपर्ने अवस्था सृजना नहोस् ।

१०. आर्थिक लेनदेन तथा उधारो बजार सम्बन्धी कानुन तत्काल ल्याउनुपर्ने ।

प्रकाशित मिति: शनिबार, माघ १४, २०७९, १२:२३:००

प्रतिक्रिया दिनुहोस्

निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट