पहिरोले १५ महिने शिशुको मृत्यु, ३ जना बेपत्ता

स्वास्थ्य

गृहपृष्ठ
स्वास्थ्य
पहिरोले १५ महिने शिशुको मृत्यु, ३ जना बेपत्ता

पहिरोले १५ महिने शिशुको मृत्यु, ३ जना बेपत्ता

शुक्रबार, साउन १९, २०८० बागेश्वरी पोस्ट

फाइल फोटो

नेपालगन्ज दोलखामा पहिरोले तीन घर पुरिँदा १५ महिने नाबालकको मृत्यु भएको छ । पहिरोले ३ जना बेपत्ता भएका छन् ।

जिल्ला प्रहरी दोलखाका अनुसार गौरीशंकर गाउँपालिका-७ टोपाटारमा गएराति ९ बजेतिर वस्ती भन्दा करिब ४०० मिटर माथिबाट पहिरो खस्दा टोपबहादुर थामीका १५ महिनाको छोरा प्रिन्स थामीको मृत्यु भएको हो ।

पहिरोमा परि गौरिशंकर-७ का ४९ वर्षीय हरिलाल श्रेष्ठ, सोही ठाउँका ६० वर्षीय कृष्ण बहादुर मगर र ५० वर्षीया देवीमाया मगर बेपत्ता भएको जिल्ला प्रहरी दोलखाले जनाएको छ ।

त्यस्तै पहिरोबाट गौरीशंकर-७ टोपाटारका ४० वर्षीय यज्ञ बहादुर थामी, उनकी श्रीमती ३९ वर्षी धनमाया थामी र बुहारी २२ वर्षीया सीता थामी घाइते भएको प्रहरीले जानकारी दिएको छ ।

जिल्ला प्रहरी कार्यालयले बेपत्ता भएकाहरुको खोजी कार्य जारी रहेको जनाएको छ ।

प्रकाशित मिति: शुक्रबार, साउन १९, २०८० ११:०४

प्रतिक्रिया दिनुहोस्