लुम्बिनीको स्वास्थ्य सेवा थप प्रभावकारी बनाउन सहयोग गर्न तयार छौं : बेलायती राजदुत

स्वास्थ्य

गृहपृष्ठ
स्वास्थ्य
लुम्बिनीको स्वास्थ्य सेवा थप प्रभावकारी बनाउन सहयोग गर्न तयार छौं : बेलायती राजदुत

लुम्बिनीको स्वास्थ्य सेवा थप प्रभावकारी बनाउन सहयोग गर्न तयार छौं : बेलायती राजदुत

शुक्रबार, असोज ५, २०८० बागेश्वरी पोस्ट

दाङ । नेपालका लागि बेलायती राजदुत रोब फेन र लुम्बिनी सरकारका स्वास्थ्यमन्त्री राजु खानालबीच आज मन्त्रालयमै भेटवार्ता भएको छ ।

भेटवार्तामा राजदुत फेनले लुम्बिन सरकारको स्वास्थ्य सेवा लगायतका बारेमा जानकारी लिँदै बेलायत सरकारले नेपालको पूर्वाधार विकासका लागि सहयोग रहँदै आएको बताउँदै प्रदेश र स्थानीय सरकारलाई पनि बेलायत सरकारले सहयोग गर्न तयार रहेको बताए ।

भेटवार्ताका क्रममा राजदुत फेनले नेपालमा बेलायतले गरिरहेको सहयोगसँगै लुम्बिनीको स्वास्थ्य सेवा अवस्थाको बारेमा समेत छलफल भएको छ । भेटका क्रममा विशेषगरी प्रदेशको पोषण र स्वास्थ्य शिक्षाका बारेमा छलफल भएको छ ।

साथै राजदुत फेनले लुम्बिनीको स्वास्थ्य सेवालाई थप प्रभावकारी बनाउन आवश्यक सहयोग गर्न बेलायत सरकार तयार रहेको बताएका छन् ।

राजदुत फेनसँगको छलफलमा प्रदेशभर सुरक्षित मातृत्व, नवजात शिशु स्वास्थ्य, पोषणको अवस्था लगायतको सुधारका लागि काम गरिरहे पनि अपेक्षित सुधार हुन नसकेको मन्त्री खनालले जानकारी गराएका थिए ।

साथै मन्त्री खनालले परिवार नियोजनका साधनको प्रयोग दर, नसर्ने रोग र मानसिक स्वास्थ्य पनि प्रदेशमा स्वास्थ्य समस्याको रुपमा रहेको बताए ।

लुम्बिनीका प्रादेशिक अस्पतालको पूर्वाधार विकास र उपचारमा आवश्यक पर्ने उपकरण सहयोगका बारेमा राजदुत फेनलाई मन्त्री खनालले जानकारी गराएका थिए ।

भेटघाट तथा छलफल कार्यक्रममा लुम्बिनीका स्वास्थ्य सचिव डा. जनार्दन पन्थी, स्वास्थ्य निर्देशक डा. बिनोद गिरी र स्वास्थ्य मन्त्रालयका प्रवक्ता डा. पुष्पराज पौडेलले प्रदेश सरकारले स्वास्थ्य क्षेत्रमा गरिरहेको काम र भएका प्रगतिको बारेमा जानकारी गराएका थिए ।

प्रकाशित मिति: शुक्रबार, असोज ५, २०८० १६:११