भेरीबाट ४८ जना भूकम्पका घाइते डिष्चार्ज, 'डिजास्टर वार्ड' खाली

स्वास्थ्य

गृहपृष्ठ
स्वास्थ्य
भेरीबाट ४८ जना भूकम्पका घाइते डिष्चार्ज, 'डिजास्टर वार्ड' खाली

भेरीबाट ४८ जना भूकम्पका घाइते डिष्चार्ज, 'डिजास्टर वार्ड' खाली

मंगलबार, कात्तिक २८, २०८० बागेश्वरी पोस्ट

नेपालगञ्ज । नेपालगञ्जस्थित भेरी अस्पतालको 'डिजास्टर वार्ड' खाली भएको छ । भूकम्पका घाइते डिस्चार्ज भएपछि 'डिजास्टर वार्ड' खाली भएको हो । बिरामी नभएपनि यो वार्डलाई तयारी अवस्थामा राखिएको छ ।

भेरी अस्पतालमा रहेका ६ जना भूकम्पका घाइतेलाई अर्थोपेडिक वार्डमा राखिएको छ । अस्पतालमा जाजरकोट र पश्चिम रुकुमका ५८ जना भूकम्पका घाइतेलाई ल्याइएको थियो । त्यसमा एक जनाको मृत्यु भएको थियो । ३ जनालाई काठमाडौ रिफर गरिएको थियो भने ४८ जना डिस्चार्ज भएर घर गएका छन् ।

जिल्ला आपतकालीन कार्य संचालन केन्द्रका फोकल पर्सन नरेश श्रेष्ठले डिस्चार्ज भएका भूकम्प प्रभावितलाई खाद्यन्नसहित गाडीको व्यवस्था गरेर पठाइएको बताए । कार्तिक १७ गते जाजरकोट केन्द्रविन्दु भएर भूकम्प गएपछि भेरी अस्पताललाई घाइतेको उपचारका लागि ुडेडिकेटेड अस्पतालु तोकिएको थियो ।

प्रकाशित मिति: मंगलबार, कात्तिक २८, २०८० १०:३१