दाङमा विष सेवन गर्दा श्रीमानको मृत्यु, श्रीमतीको अवस्था गम्भीर

स्वास्थ्य

Home
स्वास्थ्य
दाङमा विष सेवन गर्दा श्रीमानको मृत्यु, श्रीमतीको अवस्था गम्भीर

दाङमा विष सेवन गर्दा श्रीमानको मृत्यु, श्रीमतीको अवस्था गम्भीर

बुधवार, आश्विन १४, २०७७ बागेश्वरी पोस्ट

तुलसीपुर( दाङ )। विष सेवन गर्दा दाङमा एक जनाको मृत्यु भएको छ । दाङको बबई गाउँपालिका वडा नं ५ बबरपुरका २५ बर्षीय भरत केसीको विष सेबनबाट मृत्यु भएको हो भने उनकी २१ बर्षीया श्रीमती रीताकेसीको अवस्था गम्भीर रहेको छ।

उनको कोहलपुरमा उपचार भइरहेको छ । श्रीमान श्रीमतीको बीचमा भएको झगडापछि विहान २ बजे श्रीमानले विषादी सेवन गरेका थिए । उनलाई उपचारका लागि तुलसीपुरस्थित राप्ती प्रादेशिक अस्पतालमा ल्याइएमा त्यहाँ उपचार संभव भएन । त्यसपछि बाँके लैजाँदै गर्दा अमेलिया नजिकै उनको मृत्यु भएको प्रहरीले जानकारी दिएको छ । श्रीमानको मृत्युको खवर सुनेपछि घरमा रहेकी श्रीमती रीताले पनि आज विहान ४ बजेतिर विषादी सेवन गरेको प्रहरीले बताएको छ ।

इलाका प्रहरी कार्यालय खितलपुरका प्रमुख प्रहरी निरिक्षक मोहनबिक्रम केसीले श्रीमती रीताको बाँकेस्थित कोहलपुर मेडिकलकलेजमा उपचार भइरहेको जानकारी दिए। राप्ती प्रादेशिक अस्पताल तुलसीपुरमा उपचार संभव नभएपछि उनलाई कोहलपुर ल्याइएको थियो ।

प्रकाशित मिति: बुधवार, आश्विन १४, २०७७, ०४:०७:००