भेरी अस्पताललाई स्वास्थ्य विज्ञान प्रतिष्ठान बनाउन माग

स्वास्थ्य

गृहपृष्ठ
स्वास्थ्य
भेरी अस्पताललाई स्वास्थ्य विज्ञान प्रतिष्ठान बनाउन माग

भेरी अस्पताललाई स्वास्थ्य विज्ञान प्रतिष्ठान बनाउन माग

बिहीबार, फागुन ६, २०७७ बागेश्वरी पोस्ट

नेपालगञ्ज । नेपालगञ्जस्थित भेरी अस्पताललाई स्वास्थ्य विज्ञान प्रतिष्ठान बनाउन माग गरिएको छ । अस्पताल विकास समितिले स्वास्थ्य मन्त्री हृदयश त्रिपाठीलाई ज्ञापनपत्र बुझाउँदै स्वास्थ्य विज्ञान प्रतिष्ठान बनाउन माग गरेको हो ।

समितिका सदस्य कृष्णप्रसाद श्रेष्ठ र धनीराम वलीले काठमाण्डौमा स्वास्थ्य मन्त्री त्रिपाठीलाई ज्ञापनपत्र बुझाउनुभएको हो । भेरी अस्पताल लुम्बिनी, कर्णाली र सुदूरपश्चिम प्रदेशकै केन्द्रमा रहेकाले स्वास्थ्य विज्ञान प्रतिष्ठान बनाउन माग गरिएको श्रेष्ठले जानकारी दिनुभयो । ज्ञापनपत्रमा अस्पतालको पूर्वाधार निर्माण, उपकरणदेखि जनशक्ति व्यवस्थापन गर्न माग पनि गरिएको छ । सरकारले भेरी अस्पताललाई विशिष्टिकरण सेवा प्रदान गर्ने अस्पतालका रुपमा घोषणा गरिसकेकाले आवश्यक पर्ने जनशक्तिको आधारमा तत्काल दरवन्दी स्वीकृति गरिनुपर्ने माग स्वास्थ्य मन्त्रीसँग राखिएको छ ।

२ सय ६० शैयाको नयाँ अन्तरंग विभाग र ओपिडी ब्लकका लागि ७ तले भवन विस्तृत गुरुयोजना बनिरहेकाले त्यसको आधारमा आगामी बजेटमा सुनिश्चितता गर्न आर्थिक वर्षमा आवश्यक प्रक्रिया थालनी गर्न पनि मन्त्री त्रिपाठीसँग आग्रह गरिएको श्रेष्ठले बताउनुभयो ।

प्रकाशित मिति: बिहीबार, फागुन ६, २०७७ १४:३१

प्रतिक्रिया दिनुहोस्