आज लुम्बिनीमा मन्त्रिपरिषद् विस्तार हुँदै, कांग्रेसका खनाल पनि मन्त्री बन्दै

राजनीति

गृहपृष्ठ
राजनीति
आज लुम्बिनीमा मन्त्रिपरिषद् विस्तार हुँदै, कांग्रेसका खनाल पनि मन्त्री बन्दै

आज लुम्बिनीमा मन्त्रिपरिषद् विस्तार हुँदै, कांग्रेसका खनाल पनि मन्त्री बन्दै

जसपाका भण्डारीलाल र जनमतबाट गुप्ता मन्त्री

सोमबार, जेठ ८, २०८० बागेश्वरी पोस्ट

नेपालगन्ज । आज लुम्बिनी प्रदेश सरकारमा मन्त्रिपरिषद् विस्तार आज हुँदैछ ।

प्रदेशका मुख्यमन्त्री डिल्लीबहादुर चौधरीले नेपाली कांग्रेस, जसपा र जनमत पार्टीबाट एक-एक जनालाई थपेर मन्त्रिपरिषद् विस्तार गर्न लागेका हुन् ।

लुम्बिनीमा नयाँ मन्त्रीमा दाङ क्षेत्र नम्बर २ (१) बाट निर्वाचित राजु खनाल, बाँके क्षेत्र नम्बर २ (१) बाट निर्वाचित जसपाका भण्डारीलाल अहिर र रुपन्देही ५ (२) बाट प्रदेश सभामा निर्वाचित जनमत पार्टीका चन्द्रकेश गुप्तालाई मुख्यमन्त्री चौधरीले नियुक्त गर्दैछन् ।

लुम्बिनी प्रदेश सरकारमा अहिलेसम्म नेकपा माओवादीका धनबहादुर मास्की अर्थमन्त्री तथा लोसपाका सन्तोषकुमार पाण्डेय र नागरिक उन्मुक्ति पार्टीका धर्मबहादुर चौधरी विना विभागीय मन्त्री छन् ।

आज नयाँ मन्त्रीहरु पनि नियुक्त गर्ने र विना विभागीय मन्त्रीहरुको पनि जिम्मेवारी तोक्ने तयारी गरिएको छ ।

प्रकाशित मिति: सोमबार, जेठ ८, २०८० ११:४०

प्रतिक्रिया दिनुहोस्