रोयल नेपालगञ्ज बन्यो नकआउट फूटबलको च्याम्पियन

खेलकुद

गृहपृष्ठ
खेलकुद
रोयल नेपालगञ्ज बन्यो नकआउट फूटबलको च्याम्पियन

रोयल नेपालगञ्ज बन्यो नकआउट फूटबलको च्याम्पियन

मंगलबार, पुस २७, २०७८ बागेश्वरी पोस्ट

नेपालगञ्ज । रोयल नेपालगञ्ज फूटबल क्लबले बाँके जिल्लाव्यापी नकआउट फुटबल प्रतियोगितामा च्याम्पियन बनेको छ । नेपालगञ्ज रंगशालामा आज भएको फाइनल खेलमा रोयलले नेपालगञ्ज स्पोर्टिङ क्लबलाई २–० ले पराजित गर्दै च्याम्पियन बनेको हो ।

रोयलको जितमा दुबै गोल संजय थापाले गरेका थिए । उनले खेलको ७ मिनेटमा पहिलो गोल गरेका थिए भने दोस्रो गोल इन्जुरी समयमा ८३औं मिनेटमा गरेका थिए । च्याम्पियन बनेको रोयल बाँके जिल्ला लिग फूटबलका लागि छनोट भएको छ । माघ महिनामा हुने लिग फूटबलमा बाँकेका १२ क्लबले प्रतिष्पर्धा गर्नेछन् ।

आज एक समारोहका बीच विजेता तथा उपविजेता खेलाडीलाई कार्यक्रमका प्रमुख अतिथि अखिल नेपाल फुटबल संघ (एन्फा) का अध्यक्ष दिर्घबहादुर केसी (कुमार), एन्फा सदस्य प्रदेशसिंह राठौर, आयोजक बाँके जिल्ला फूटबल संघका अध्यक्ष भोजराज शाही, लुम्बिनी प्रदेश फूटबल संघका उपाध्यक्ष तथा बर्दिया जिल्ला फूटबल संघका अध्यक्ष अजितराज भण्डारी, लुम्बिनी प्रदेश फूटबल संघका उपाध्यक्ष सूर्यमणि अधिकारी, एन्फाका पूर्व उपाध्यक्ष गोर्वधनसिंह सम्झना, क्षेत्रीय खेलकुद विकास समिति लुम्बिनी प्रदेशका कार्यालय प्रमुख महेश चन्द, लेखा प्रमुख मिन जिसी, बाँके जिल्ला खेलकुद विकास समिति अध्यक्ष मोहित शाह लगायतले पुरस्कृत गरेका थिए ।

बाँके जिल्ला फूटबल संघको आयोजनामा पुस २४ देखि सुरु भएको प्रतियोगितामा बाँकेका पाँच क्लबले प्रतिष्पर्धा गरेका थिए ।

प्रकाशित मिति: मंगलबार, पुस २७, २०७८ १९:०४

प्रतिक्रिया दिनुहोस्