बाँके ट्राफिकले पहिलो महिनामै १८ लाख बढी राजश्व उठायो

अर्थ

गृहपृष्ठ
अर्थ
बाँके ट्राफिकले पहिलो महिनामै १८ लाख बढी राजश्व उठायो

बाँके ट्राफिकले पहिलो महिनामै १८ लाख बढी राजश्व उठायो

शुक्रबार, भदौ ४, २०७८ बागेश्वरी पोस्ट

नेपालगन्ज । जिल्ला ट्राफिक प्रहरी कार्यालय बाँकेले चालू आर्थिक बर्षको पहिलो महिनामा १८ लाख बढी राजश्व संकलन गरेको जनाएको छ ।

आर्थिक बर्ष २०७८/७९ को साउन महिनामा ३ हजार १ सय ७० सवारी साधन कारवाहीमा पर्दा १८ लाख ५ हजार राजश्व संकलन भएको कार्यालय प्रमुख राजु भण्डारीले बताउनुभयो ।

भण्डारीका अनुसार साउन महिनामा ८ वटा सवारी साधन दुर्घटना भएका छन् । यी दुर्घटनामा ४ जनाको मृत्यु भएको छ भने ६ जना घाइते भएका छन् । गएको आर्थिक वर्ष २०७७/७८ मा १ सय ५० वटा सवारी दुर्घटना भएका थिए । जसमा ७७ जनाले ज्यान गुमाएको र २ सय ८ जना घाइते भएको ट्राफिक प्रहरी कार्यालय बाँकेले जनाएको छ ।

यस्तै ०७७/७८ मा साढे दुई करोड बढी राजश्व संकलन भएको थियो । ४७ हजार ८ सय ४७ वटा सवारी साधन कारवाहीमा पर्दा २ करोड ७० लाख ६६ हजार ५ सय रुपैयाँ राजश्व संकलन भएको भण्डारीले जानकारी दिनुभयो।

यो आर्थिक वर्ष ०७६/७७ को भन्दा झण्डै डेढ करोडले बढी हो । बाँके ट्राफिकले ०७६/७७ मा १ करोड २९ लाख ६९ हजार राजश्व संकलन गरेको थियो ।

प्रकाशित मिति: शुक्रबार, भदौ ४, २०७८ ११:००

प्रतिक्रिया दिनुहोस्