फेरि बढ्यो पेट्रोलियम पदार्थको मूल्य,ग्यासमा ७५ रुपैयाँ वृद्धि

अर्थ

गृहपृष्ठ
अर्थ
फेरि बढ्यो पेट्रोलियम पदार्थको मूल्य,ग्यासमा ७५ रुपैयाँ वृद्धि

फेरि बढ्यो पेट्रोलियम पदार्थको मूल्य,ग्यासमा ७५ रुपैयाँ वृद्धि

बिहीबार, कात्तिक २५, २०७८ बागेश्वरी पोस्ट

नेपालगन्ज । पेट्रोलियम पदार्थको फेरि मूल्य वृद्धि भएको छ । नेपाल आयल निगमले गए रातिदेखि लागू हुने गरी बढाएको पेट्रोलियम पदार्थ अन्तर्गत खाना पकाउने ग्यासको मूल्य एकै पटक ७५ रुपैयाँ बढाइएको छ ।

यससँगै एक सिलिण्डरका लागि अब १ हजार ५७५ रुपैयाँ तिर्नुपर्ने भएको छ । त्यस्तै पेट्रोल, डिजेल र मट्टितेलको मूल्य प्रतिलिटर ३ रुपैयाँ बढाइएको छ ।

मूल्य बढेसँगै पेट्रोलको भाउ प्रतिलिटर १३६ रुपैयाँ पुगेको छ भने डिजेल र मटिट्तेलको मूल्य प्रतिलिटर ११९ रुपैयाँ पुगेको छ । हवाई इन्धनको पनि मूल्य प्रतिलिटर ५ रुपैयाँ बढेको छ ।अब आन्तरिक हवाई इन्धनको मूल्य प्रतिलिटर १०१ र अन्तराष्ट्रिय हवाई इन्धनको मूल्य प्रतिकिलोलिटर ८९५ अमेरिकी डलर पुगेको छ ।

यसअघि सरकारले ग्यासमा २५ तथा पेट्रोल, डिजेल र मट्टितेलमा समान ३ रुपैयाँ बढाएको थियो ।

मूल्य बढाउँदा समेत घाटामा रहेको निगमले जनाएको छ । अन्तर्राष्ट्रिय बजारमा निरन्तर भाउ बढाए पनि नेपालमा भने त्यो किसिमले भाउ नबढेको उसले बताएको छ ।

प्रकाशित मिति: बिहीबार, कात्तिक २५, २०७८ १०:०६

प्रतिक्रिया दिनुहोस्