वेपत्ता प्रहरी जवान साउदको शव पनि मोहना नदीमै भेटियो

समाचार

गृहपृष्ठ
समाचार
वेपत्ता प्रहरी जवान साउदको शव पनि मोहना नदीमै भेटियो

वेपत्ता प्रहरी जवान साउदको शव पनि मोहना नदीमै भेटियो

मंगलबार, कात्तिक ४, २०७७ बागेश्वरी पोस्ट

कैलाली । कैलाली जुगेडास्थित अस्थायी प्रहरी पोष्टमा कार्यरत जवान रामबहादुर साउदको शव पनि प्रहरी सहायक निरिक्षक गोविन्द बिकको शव भेटिएकै क्षेत्रमा फेला परेको प्रहरीले जनाएको छ । सुदूरपश्चिम प्रदेश प्रहरी कार्यालयका प्रवक्ता प्रहरी वरिष्ठ उपरिक्षक मुकेशकुमार सिंहले प्रहरी जवान साउदको शव मोहना नदीमा भेटिएको जानकारी दिनुभयो।

उहाँले प्रहरी सहायक निरिक्षक बिकको शव फेला परेको मोहना नदीमै साउदको पनि शव भेटिएको बताउनुभयो । अहिले घटनास्थल मुचुल्का बनाउने काम भइरहेकाले शव नदीबाट निकालिएको छैन । गत शनिबार प्रहरी सहायक निरिक्षक बिकसँगै प्रहरी जवान साउद पनि गस्तीमा खटिएका बेला वेपत्ता हुनुभएको थियो ।

विक विभत्स हत्या गरेको अवस्थामा भेटिनुभएको थियो भने पक्राउ परेका अभियुक्तहरुले प्रहरी जवान साउदको समेत हत्या गरी नदीमा फालेका बयान प्रहरी समक्ष दिएका छन् । उनीहरुले सुरुमा जवानकै हत्या गरी नदीमा फालेको र पछि असइको हत्या गरेको स्वीकार गरेको बताइएको छ ।

प्रकाशित मिति: मंगलबार, कात्तिक ४, २०७७ १२:०३

प्रतिक्रिया दिनुहोस्